Şymkentte ırı sauda oiyn-sauyq ortalyǧy örtendı, dep habarlaidy “Adyrna” ūlttyq portaly.
Üş qabatty ǧimarattyŋ ekınşı qabatyndaǧy kiım satatyn düŋgırşekte ot tūtanǧan. Sol kezde ışte bırneşe adam bolǧan. Äsırese üşınşı qabattaǧy fitnes zalda jattyǧyp jatqandar terezeden şyǧuǧa mäjbür boldy.
Oqiǧa ornyna jetken ört söndıruşıler bes adamdy qūtqardy. Bır adam oiyn-sauyq ortalyǧynyŋ şatyrynan tüsırılse, ekınşısı arnaiy satynyŋ kömegımen ekınşı qabattyŋ terezesınen şyǧaryldy. Qalǧan üş adamdy tötenşe jaǧdai qyzmetkerlerı ışten alyp şyqqan.
Tütınge tūnşyqqandardy jedel järdem qyzmetı alyp kettı. Tötenşe jaǧdailar qyzmetınıŋ mälımetınşe, 270 şarşy metr aumaq örtke oranǧan.
“Ört saǧat 13.27-de oqşaulanyp, 13.55-te tolyǧymen söndırıldı. Örtke departament tarapynan 24 bırlık tehnika men 90 qyzmetker jūmyldyryldy. Ekınşı qabat örtengenımen üşınşı qabatta qatty qoiu tütın bolǧan. Örttıŋ sebebı anyqtalatyn bolady” - dedı Şymkent qalalyq TJD bastyǧynyŋ bırınşı orynbasary.
Tütınge tūnşyqqan 6 adam qalalyq auruhanaǧa jatqyzylǧan. Bır nauqastyŋ jaǧdaiy naşarlap jansaqtau bölımıne auystyrylǧan. Qalǧan üş adamnyŋ toksikologiia bölımınde em qabyldap jatqany aityldy. Ekı tūrǧyn alǧaşqy medisinalyq kömek körsetılgen soŋ üilerıne jıberılgen.
