Kievte Qazaqstan men Ukraina polisiiasynyŋ bırlesken arnaiy operasiiasy barysynda deepfake tehnologiiasyn qoldanǧan ırı alaiaqtyq call-ortalyǧy ūstaldy, dep habarlaidy "Adyrna" ūlttyq portaly.
Qylmystyq toptyŋ müşelerı özderın advokat nemese memlekettık mekeme qyzmetkerı retınde tanystyryp, Qazaqstan, Euroodaq jäne TMD elderınıŋ azamattaryna qoŋyrau şalǧan. Olar jalǧan investisiialyq platformalarǧa aldanyp qalǧan jäbırlenuşılerge qarjysyn qaitaryp beremız degen uäde berıp, «sot alymdary» men «komissiialar» syndy tölemderdı talap etken. Kei jaǧdailarda tıptı azamattardy nesie aluǧa da itermelegen.
Senım ūialatu üşın alaiaqtar deepfake tehnologiiasyn qoldanyp, jalǧan beineqoŋyraular men qūjattardy körsetken.
Tergeu derekterıne säikes, zardap şekkenderdıŋ sany 4,5 myŋnan asqan. Olardyŋ arasynda Qazaqstan azamattary da bar. Keltırılgen şyǧyn kölemı 4 million AQŞ dollarynan asyp ketken.
Call-ortalyq şamamen 30 adamnan tūrǧan. Ūiym naqty ierarhiia boiynşa jūmys ıstegen. Tüsken qarajat Kievtegı elitalyq jyljymaityn mülıkke, jer telımderıne jäne qymbat kölıkterge jūmsalǧan. Ärbır operator zaŋsyz alynǧan aqşanyŋ belgılı bır paiyzyn syiaqy retınde alyp otyrǧan.
Jedel-ızdestıru şaralary kezınde 11 mekenjai boiynşa tıntu jürgızılıp, 41 kompiuter, 24 ūialy telefon jäne ondaǧan SIM-karta tärkılengen. Sondai-aq Qazaqstan azamattarynyŋ nömırlerı jazylǧan derekter qory anyqtaldy.
Qazırgı uaqytta 15 Ukraina azamaty ūstaldy, olardyŋ toǧyzy uaqytşa ūstau izoliatoryna qamaldy. Tergeu jalǧasuda, polisiia jaŋa epizodtardy jäne qylmystyq toptyŋ özge müşelerın anyqtap jatyr.
