Resei SIM resmi ökılı Mariia Zaharova prezident Qasym-Jomart Toqaevtyŋ BŪŪ Bas Assambleiasy 80-sessiiasynyŋ jalpy debatynda söilegen sözıne pıkır bıldırmedı. Būl turaly Reseidıŋ syrtqy ıster ministrlıgı mälımdedı, dep habarlaidy «Adyrna» tılşısı.
Aitularynşa, jelıde taraǧan video şyndyqqa janaspaidy.
«Qazaqstandyq onlain-qoǧamdastyqtarda Resei SIM-nıŋ resmi ökılınıŋ sūhbat kadrlary qoldanylyp jasalǧan dipfeik taraluda. Naqty videojazbaǧa neirojelı arqyly jasalǧan jasandy mimika men Zaharovanyŋ dauysyn imitasiialaǧan audio qosylǧan»,—delıngen habarlamada.
Ministrlık būl videonyŋ tekten-tek jasalmaǧanyn atap öttı.
«Būl — qasaqana Qazaqstannyŋ sifrlyq keŋıstıgıne tastalǧan jalǧan aqparat. Onyŋ maqsaty — Resei men Qazaqstannyŋ arasyna ırıtkı salu, halyq arasynda ötkır emosiialyq reaksiia tudyru. Būl feiktegı bırde-bır söz şyndyqqa janaspaidy», — dep tolyqtyrdy Resei SIM.
Resei syrtqy ıster ministrlıgı būl jaǧdaidyŋ alǧaşqy ärı jalǧyz arandatuşylyq emes ekenın atap öttı.
«Būl äreketterden ukrain arnaiy qyzmetterınıŋ, äsırese aqparattyq-psihologiialyq operasiialar ortalyǧynyŋ qoltaŋbasy baiqalady. Äleumettık jelılerde jariialanǧan aqparatty, sonyŋ ışınde beinematerialdardyŋ şynaiylyǧyn tekserıp otyrudyŋ maŋyzdylyǧyn eskertemız. Resmi derekközderge ǧana senu qajet», – dedı ministrlık ökılderı.
