Prezident Qasym-Jomart Toqaev Özbekstan cyrtqy ıster ministrı Bahtiior Saidovty qabyldady. Būl turaly Aqorda jariialady, dep habarlaidy “Adyrna” ūlttyq portaly.
Memleket basşysy qazaq-özbek yntymaqtastyǧy barlyq salada qarqyndy damyp kele jatqanyn atap öttı.
Onyŋ aituynşa, Qazaqstan bauyrlas Özbekstanmen özara qarym-qatynasty odan ärı nyǧaituǧa basa män beredı.
Qasym-Jomart Toqaev Şavkat Mirziioevtıŋ ekıjaqty bailanystardy tereŋdetu ısıne eleulı üles qosyp otyrǧanyna toqtalyp, Qazaqstan öŋır halyqtarynyŋ igılıgı men ösıp-örkendeuıne baǧyttalǧan Özbekstannyŋ bastamalaryn aldaǧy uaqytta da qoldauǧa daiyn ekenın jetkızdı.
Kezdesu barysynda sauda-ekonomikalyq yqpaldastyqty keŋeitu mäselelerı talqylandy. Ekı eldıŋ damuyna tyŋ serpın beretın jaŋa baǧyttardy qarastyru jäne ekıjaqty tauar ainalymyn arttyru maŋyzdy ekenı aityldy.
Memleket basşysy kölık-tranzit salasyndaǧy yntymaqtastyqty nyǧaitudyŋ mänı zor ekenın atap öttı. Prezident Qazaqstannyŋ "Darbaza – Maqtaaral" temırjol jelısın saluǧa kırıskenın mälımdedı. Būl joldy odan ärı Özbekstan şekarasyna jetkızu közdelıp otyr. Atalǧan temırjol bailanysy ekı el arasyndaǧy jük tasymalynyŋ kölemın ūlǧaituǧa mümkındık beredı.
Qasym-Jomart Toqaev Özbekstan tarapynyŋ Transkaspii halyqaralyq kölık baǧdaryn damytu ısıne atsalysuy barlyq tarapqa tiımdı bolady dep sanaidy.
Ūqsas jaŋalyqtar
