Mańǵystaý oblysynyń Beıneý aýdanyndaǵy shekara qyzmetinde júrgen jerinen beldigine asylyp ólgen sarbazdyń anasy shyndyqtyń ashylýyn qalap, úndeý joldady. Bul týraly marqumnyń anasy úndeýin Facebook áleýmettik jelisi arqyly jarııalady, dep habarlaıdy “Adyrna” ulttyq portaly.
Anasy balasynyń óz-ózine qol saldy degenge senbeıdi. Aıtýynsha, ulyn ólimge bázbireýler ıtermelegen. Ol Prezıdent Qasym-Jomart Toqaevtan ózin qabyldaýyn surap otyr jáne istiń jan-jaqty tekserilýin talap etti.
"Áskerge deni saý bolyp ketken bala nege ólip keledi? 2 kún emes qazir denesin kespeı ákep bersin. Ekinshi ret balalaryńdy áskerge jibermeńder! Reseıden be, basqa jaqtan shaqyrtsyn. Qazaqstandy qyryp bitetin boldy. Aqshadan qınaldym, aqsha úshin óldim depti. Mine, hattary tur jiberilgen. Áskerde qandaı aqsha ol?! Qamtamasyz ete almasańdar nege áketesińder?! Óziniń aýrýy bar eken deıdi. Aýrý bolsa, nege alasyńdar?! Jaýapsyz qaldyrmaımyn! Prezıdent myrza, balam óldi degen habar alyp turmyz. Aqshadan qınalyp óldim dep jazypty. Prezıdenttiń qabyldaýyn suraımyn", — dedi marqumnyń anasy.
”Adyrna” ulttyq portaly
