Memleket basşysy Qasym-Jomart Toqaev Aqparat jäne qoǧamdyq damu ministrı Darhan Qydyrälını qabyldady. Būl turaly Aqorda mälımdedı, dep habarlaidy “Adyrna” ūlttyq portaly.
Kezdesu barysygda Prezidentke ministrlıktıŋ aqparat, qoǧamdyq damu, dın jäne etnosaralyq qatynastar, azamattyq sektor, sondai-aq jastar jäne otbasy saiasatyn jüzege asyru baǧytynda atqaryp jatqan jūmystary jönınde baiandaldy. Sondai-aq, ministr öz jūmysynda otandyq teleserialdar öndırısı kölemın ūlǧaityp, olardy şetelge taratuǧa, media sauattylyqty arttyruǧa, sondai-aq azamattyq qoǧammen özara qarym-qatynasty jandandyruǧa airyqşa män berıp otyrǧanyn jetkızdı. Al Toqaev ministrlık azamattyq qoǧam instituttarymen barlyq deŋgeidegı bailanysty küşeitıp, är saladaǧy özektı mäselelerdı qoǧammen keŋ kölemde talqylauǧa aşyq boluy qajet ekenın atap öttı. Odan bölek, Darhan Qydyrälıge jastar saiasatyna qatysty baǧdarlamalardy tiımdı jüzege asyrudy, dıni bırlestıkter men etnosaralyq qarym-qatynas baǧytyn airyqşa nazarda ūstaudy tapsyrdy.Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz