Memleket basshysy Qasym-Jomart Toqaev Qaraǵandy oblysyna jumys saparymen keldi. Bul týraly Qazaqstan Respýblıkasy Prezıdentiniń Baspasóz qyzmeti málimdedi, dep habarlaıdy “Adyrna” ulttyq portaly.
«Qaraǵandy tabıǵı baılyǵymen ǵana qazynaly dep atalmaǵany anyq. Saryarqanyń dál júreginde ornalasqan aımaqtyń rýhanı qazynasy da orasan zor.
Talaı tarıhı oqıǵanyń kýási bolǵan shejireli aımaqtan qazaqtyń kóptegen birtýar tulǵalary shyqqan. Qaraǵandy óńiri – Álıhan Bókeıhan, Jaqyp Aqbaev, Álimhan Ermekov sııaqty Alash arystary dúnıege kelgen qasıetti jer», -dedi Prezıdent kezdesý barysynda.
