Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń saılaýshylarmen kezdesýi Mańǵystaý oblysynda jalǵasty.
«Zhamal-ai LTD» arnaıy kıim jáne aıaq kıim óndiretin fabrıkaǵa barǵan Qasym-Jomart Toqaevtyń jaqtastary kásiporyn ujymyna kandıdattyń saılaýaldy baǵdarlamasynda kórsetilgen bıznesti qoldaý sharalary týraly aıtyp berdi.
«Prezıdent saılaýy – memleketimizdiń odan ári damý baǵytyn aıqyndaıtyn mańyzdy qadam. 20 qarashada qazaqstandyqtar saılaý ýchaskelerine kelip, óz tańdaýyn jasaý arqyly saıası mádenıettiń joǵary deńgeıin kórsetýi mańyzdy», - dedi RQSh múshesi, Qazaqstan Azamattyq alıansynyń prezıdenti Baný Nurǵazıeva.
Budan soń shtab músheleri óńir jurtshylyǵymen saılaýaldy baǵdarlamadaǵy aımaqtyq kólik jáne áleýmettik ınfraqurylymdy jaqsartý bólimindegi negizgi baǵyttardy talqylady.
IT mamandarmen kezdesýde RQSh músheleri saılaýaldy baǵdarlamanyń ıfrlandyrýǵa arnalǵan bólimine basa nazar aýdardy.
Sonymen qatar, «QMG Injınırıng» alańynda RQSh músheleri óńirdiń munaıshylarymen kezdesip, olarǵa saılaýaldy baǵdarlamada kózdelgen qaýipsiz eńbek ortasyn qurý jáne jumysshylardyń quqyǵyn qorǵaý jónindegi sharalar týraly aıtyp berdi.
Qalalyq ıppodromda shtab músheleriniń sport ókilderimen jáne jergilikti «Kókmoınaq» komandasynyń shabandozdarymen kezdesýi ótti. Júzdesý barysynda kandıdattyń kásibı jáne ulttyq sport túrlerin damytýdaǵy, salaýatty ómir saltyn nasıhattaýdaǵy basymdyqtary talqylandy.
"Adyrna" ulttyq portaly
