Ph.D. doktor, belsendı Däurenbek Nysanov memleket basşysyna eldegı tüitkıldı mäselelerdı qozǧap hat joldady, dep habarlaidy "Adyrna" portaly.
Öz jazbasynda ol qazaq qoǧamyna "qajetsız" dep esepteitın saiasi kelısımderdı, odaqtardy qozǧap "Jaŋa Qazaqstan" jasaudy qolǧa alu qajettıgın aitty.
"Qasym-Jomart Kemelūly!
Är eldıŋ öz ideologiiasy bar ekenın jaqsy bılesız, sony köre tūra öz memleketımızdıŋ ideologiiasyn jasamasaŋyz egemendıgımızge qauıp tönedı.
Ol üşın:
1) Qazaqstannyŋ aqparattyq keŋıstıgın “reseidıŋ būqaralyq aqparattyq qūraldarynyŋ” aqparatynan tazartudy qolǧa alu kerek! Sebebı, elımızde reseidıŋ ideologiiasyna qyzmet etetın reseişılder köbeiıp kettı.
2) “Saudada dostyq joq” degendı eskerıp, Reseimen qūrǧan odaqtardyŋ bärınen şyǧu kerek!
Sebebı, Reseige salynǧan sanksiia bızdıŋ ekonomikamyzdy qūldyratyp jatyr. Eŋ jamany Resei özımen odaq qūrǧan elderge öz üstemdıgın jürgızgısı keledı, öz ideologiiasyn tyqpalaidy. Ony tarih pen soŋǧy 30 jyl ışındegı oqiǧalar däleldep jatyr.
3) Qazaqstannyŋ Täuelsızdıgıne nūqsan keltıruge jol bermeitın ideologiia bolmasa, Qazaqstan azamattaryna Otan qorǧaityn memleketşıldık sana qalyptastyra almaisyz.
Sebebı, “Qazaqstan köp ūltty memleket” degendı doǧarmasaŋyz “Qazaqstan menıŋ Otanym” degen ūǧymdy ärbır el azamatynyŋ boiyna sıŋdıre almaisyz!
Halyq Sızdı “käsıbi diplomat” dep oilaidy. Bıraq, Sız käsıbi diplomat retınde är türlı etnikalyq toptardan tūratyn diasporalary bar mono ūltty qazaq memleketın “köp ūltty memleket” dep ataudyŋ dūrys emes ekenın bılesız be? Bılmeuıŋız mümkın emes!
Degenmen, solai atau elımızdıŋ ideologiiasyna qarsy ūǧym ekenın eskermegenıŋızdı qalai tüsınemız?
Soǧan bailanysty, eŋ bırınşı kezekte elımızdıŋ biudjetıne artyq şyǧyn keltıretın, qoǧamnyŋ dūrys jolǧa tüsuıne eşqandai paidasy joq, eldıŋ yntymaqtyǧyn arttyra almaityn tükke qajetı joq “Qazaqstan halqy assambleiasyn” jabuyŋyzdy sūraimyn.
Menıŋ aitqandarymdy dūrys emes deitın bolsaŋyz, Sızge mysal keltıreiın. Alysqa barmai-aq ekı jaǧymyzdaǧy körşılerımızdı, Resei men Qytaidy mysalǧa alaiyq. Reseidıŋ qūramynda 190 ūlt bar. Bıraq olar özderın “köp ūltty memleketpız” dep aitpaidy. Reseide orys tılınen basqa tıl jürmeidı. Būl dūrys ūstanym jäne myqty ideologiia. Öitkenı, bır ǧana tılde söileitın memlekettıŋ halqynda alauyzdyq bolmaidy, yntymaǧy berık bolady. Ol ärbır el azamatyna Memleketşıldık sanany qalyptastyrady.
Sol siiaqty Qytaida da 56 ūlt bar. Bıraq olar özderın “köp ūltty memleketpız” dep aitpaidy, bır ǧana qytai tılınde söileidı.
Sondyqtan, memleket müddesıne qyzmet etetın, Otan qorǧaityn yntymaǧy mol, bırtūtas patriot halyqty qalyptastyruda Qazaqstan keŋıstıgınde qazaq tılınen basqa resmi tıldıŋ bolmauy jäne “köp ūltty memleketpız” degen alauyzdyq tudyratyn ūǧymdy sanamyzdan öşıru maŋyzdy.
“Jaŋa Qazaqstan” qūrylysşysy
Daurenbek Myrzaşūly Nysanov" delıngen belsendınıŋ hatynda.
Ūqsas jaŋalyqtar
