Maŋǧystau oblysynyŋ Beineu audanynda bolǧan jappai töbeles saldarynan 17 jastaǧy er bala köz jūmdy,dep habarlaidy "Adyrna"
Polisiianyŋ mälımetınşe 17 jastaǧy jıgıttı töbeleskenderdıŋ bırı kölıkpen basyp ötken. Töbeleske 15 adam qatysty.
Qūqyq qorǧau organdarynyŋ qyzmetkerlerı olardyŋ törteuın qamauǧa aldy, qalǧandary eşqaida ketpeu turaly qolhatpen bosatylǧan. Kelesı baptar boiynşa qylmystyq ıs qozǧaldy:
- ölımge äkep soqtyrǧan auyr dene jaraqatyn keltıru;
- būzaqylyq.
Ūstalǧandardyŋ ata-analary balamyzǧa qatygezdık tanytty dep qūqyq qorǧau organdaryna şaǧym tüsırgen.
"Sotqa deiıngı tergep-tekseru basqarmasy tergeu şaralaryn jürgızıp jatyr. Onyŋ qorytyndysy boiynşa polisiia qyzmetkerlerıne qatysty qūqyqtyq baǧa berıledı", - deidı Maŋǧystau oblystyq prokuraturasy bırınşı basqarmasynyŋ bastyǧy Daniiar Tölegenov.
Qazır keşendı sot-medisinalyq saraptamasy jürgızılıp jatyr.
"Sot-medisinalyq saraptama jäbırlenuşınıŋ naqty neden köz jūmǧanyn anyqtaidy. Jasöspırımderdıŋ soqqysynan nemese kölık basyp ketkennen qaitys boluy mümkın. Sol kezde bız būl jaittarǧa qatysty naqty jäne dūrys baǧa bere alamyz", - dedı Daniiar Tölegenov.
