26 qyrküiek künı Almatydaǧy META Universitetınde Qazaqstan tarihynda tūŋǧyş ret qazaq tılınde oqytylatyn ekı diplomdy MBA baǧdarlamasynyŋ resmi tanystyrylymy öttı.
Būl şara jai ǧana jaŋa bılım beru jobasynyŋ bastaluy emes, ol Qazaqstandaǧy ekonomikanyŋ damuy men ūlttyq kadrlardy daiarlaudaǧy özektı mäselelerdı aşyq talqylauǧa sebep boldy.
Ekonomika men kadrlar mäselesı:
Paneldık pıkırtalas barysynda sarapşylar Qazaqstandaǧy ekonomikalyq ösımnıŋ baiaulauyna sebep bolyp otyrǧan bırqatar faktorlardy atap öttı. Atap aitqanda, köptegen öndırıstık jäne otandyq kompaniialardyŋ naryqtaǧy ornyn saqtai almauy, keibır jobalardyŋ toqtap qaluy käsıbi basqaruşylardyŋ jetıspeuşılıgımen tıkelei bailanysty ekendıgı aityldy.
Käsıpkerlerdıŋ pıkırınşe, bäsekege qabılettı ekonomika üşın eŋ äuelı myqty menedjment qajet. Qazaqstandyq kompaniialar jaqsy önım şyǧara alady, bıraq käsıbi basqaru, strategiialyq josparlau men naryqtyq ikemdılık jetkılıksız bolǧan jaǧdaida olar ūzaq merzımde tabysqa jete almaidy.
Qazaq tılınıŋ rölı men jaŋa buyn menedjerlerı:
Talqylau barysynda qazaq tılınıŋ biznestegı orny da erekşe nazarǧa alyndy. Soŋǧy jyldary köptegen kompaniialarda qazaq tıldı mamandardyŋ rölı artyp kele jatqany atap ötıldı. Būl ürdıs ūlttyq tılde käsıbi menedjment mektebınıŋ paida boluyn qajet etken.
Sarapşylardyŋ aituynşa, memlekettık tılde joǧary sapaly biznes-bılımnıŋ bolmauy ūzaq jyldar boiy käsıbi ösımge kedergı keltırdı. Endı Qazaq MBA baǧdarlamasy osy olqylyqtyŋ ornyn toltyryp, qazaq tılınde oilaityn, käsıbi deŋgeide şeşım qabyldai alatyn jaŋa buyn menedjerlerdı daiarlaudy maqsat etedı.
Is-şaraǧa qatysqan käsıpkerler būl bastamanyŋ el damuy üşın maŋyzyn atap öttı.
META Universitetınıŋ rektory, Qazaqstandaǧy eŋ jas ärı älemdegı eŋ jas rektorlardyŋ bırı, Aijan Maratqyzy öz sözınde ǧylym men sapaly bılım berudı damytuǧa ärqaşan qoldau bıldıretının aitty. Ol Nazarbaev Universitetınıŋ alǧaşqy Ph.D. baǧdarlamasynyŋ tülekterınıŋ bırı retınde öz täjıribesın bölısıp, jaŋa bastamaǧa joǧary baǧa berdı:
«Maǧan būl joba erekşe qymbat. Bız būl baǧdarlamany ıske qosuǧa ūzaq daiyndaldyq, ülken eŋbekten öttık. Bügın qazaq tılınde sapaly ekı diplomdy MBA baǧdarlamasyn ūsyna alǧanymyz – universitetımız üşın ülken jetıstık. Būl – qazaqstandyq bılım beru jüiesınıŋ jaŋa belesı. Alǧaşqy tyŋdauşylarǧa sättılık tıleimın», – dedı Aijan Maratqyzy.
META Universitetınıŋ bastamasymen aşylǧan Qazaq MBA baǧdarlamasy – ūlttyq tılde käsıbi menedjerlerdı daiarlauǧa baǧyttalǧan alǧaşqy ärı tarihi qadam. Baǧdarlama tülekterıne bırden ekı diplom alu mümkındıgı berılıp, olardy halyqaralyq deŋgeide bäsekege qabılettı basşylar qataryna qosady.
«Qazaqstan ekonomikasynyŋ bolaşaǧy – käsıbi menedjerlerdıŋ sapasyna bailanysty. Bızge jahandyq deŋgeide oilaityn, bıraq ūlttyq müddege qyzmet etetın jaŋa buyn qajet. Qazaq MBA däl osy missiiany atqarady», – dedı joba negızın qalauşy Maqsat Halyq.
