Bügın Almaty oblysy Tarǧap auyly tūsyndaǧy kemping-alaŋda auqymdy ekologiialyq bastama – «Taza Qazaqstan» road-estafetasynyŋ aşylu saltanaty öttı. Bır aptaǧa jalǧasatyn auqymdy ıs-şara barysynda qatysuşylar Almaty, Şymkent qalalary jäne Jambyl, Türkıstan, Qyzylorda oblystary arqyly myŋ şaqyrymnan astam joldy eŋseredı. Jobaǧa «Jastar Ruhy» jastar qanatynyŋ myŋdaǧan belsendısı men jergılıktı tūrǧyndar atsalysady. Aksiianyŋ basty maqsaty – qoǧamda jaŋa ekologiialyq mädeniet qalyptastyru, tabiǧat pen tarihi mūraǧa qūrmetpen qarau jäne azamattardyŋ qorşaǧan orta aldyndaǧy jauapkerşılıgın arttyru.
«AMANAT» partiiasynyŋ Atqaruşy hatşysy Däulet Kärıbek öz sözınde jahandyq ǧylymi qauymdastyq ondaǧan jyldan berı klimattyŋ özgeruı, su tapşylyǧy, auanyŋ lastanuy, orman örtı, topyraqtyŋ qūnarsyzdanuy siiaqty ekologiialyq apat qaupı turaly dabyl qaǧyp kele jatqanyn atap öttı. Alaida qorşaǧan ortany qorǧauda tek memleket küşınıŋ jetkılıksız ekenı aiqyn, būl – ärbır azamattyŋ mındetı. Sondyqtan «AMANAT» partiiasy road-estafeta arqyly är qazaqstandyqtyŋ tabiǧat pen tarihi mūrany qorǧauǧa üles qosa alatynyn, al bırlesıp äreket etsek, ekologiialyq apattyŋ aldyn alyp, eldı bolaşaq ūrpaq üşın jasyl ärı qauıpsız etıp saqtai alatynymyzdy körsetedı.
«Memleket basşysy Qasym-Jomart Toqaev atap ötkendei, «Taza Qazaqstan» būl – bır kündık nauqan emes, būl – bızdıŋ ömır saltymyz, sondyqtan tazalyq är adamnan, är üiden, ärbır köşe men är qaladan bastaluy kerek. Osy sözder bızdıŋ ideialyq tūǧyrnamamyzǧa ainaldy. Qoǧamda tabiǧatqa, tarih pen mädenietke, jalpy qorşaǧan ortaǧa ūqypty qarau ädetın ornyqtyru qajet. Jastardyŋ boiyna naǧyz ekologiialyq patriotizmdı sıŋırıp, jauapty mınez-qūlyq qalyptastyru – bızdıŋ basty maqsatymyz», – dedı ol.
Ūiymdastyruşylardyŋ aituynşa, estafeta aiasynda tek qoqys jinau ǧana emes, deputattardyŋ halyqpen kezdesulerı, jastarǧa arnalǧan open-air ıs-şaralary, qoǧamdyq qabyldaular jäne taza auada «Chempiondyq ruh» jattyǧulary ötedı. Sonymen qatar «Vandalizmge jol joq!» jobasy şeŋberınde «Tūlǧalar tūǧyry» memorialdyq keşenı, «Aqyrtas» sarai keşenı, «Bırlık» monumentı jäne ejelgı Sauran qalaşyǧy siiaqty tarihi nysandar tazartylyp, abattandyrylady. Osylaişa road-estafeta tabiǧatty qorǧau, mädeni mūrany saqtau jäne ekologiialyq patriotizmdı qalyptastyru mındetterın toǧystyrady.
«Būǧan qosa, aksiiamyz mädeni-aǧartuşylyq missiiasyn da atqarady. Jastar mūndai jūmystar arqyly tarihty tereŋırek tanyp qana qoimai, tabiǧat pen mädeni mūraǧa qūrmetpen qaraudy üirenedı. Sebebı kez kelgen eskertkıştı büldıru – halyqtyŋ tarihi jadyna qastandyq jasaumen teŋ. Osydan ekı jyl būryn «Jastar Ruhy» jastar qanaty vandalizmge qarsy qoǧamdyq petisiiany qoldaǧan bolatyn. Keiın sol bastama vandalizmge qarsy jauapkerşılıktı küşeitetın zaŋnyŋ negızıne ainalyp, oǧan ötken jyly Memleket basşysy qol qoidy», – dedı «Jastar Ruhy» töraǧasy Aqerke İskanderova.
Öz kezegınde Mäjılıs deputaty, «AMANAT» partiiasy fraksiiasynyŋ müşesı Nikita Şatalov Prezidenttıŋ «Taza Qazaqstan» bastamasy aiasyndaǧy ekologiialyq estafetanyŋ qoǧamdyq maŋyzyna toqtaldy.
«Būl estafetaǧa deputattar da, jastar da, volonterler men jergılıktı qauym ökılderı de bırdei atsalysuda. Barlyǧynyŋ maqsaty – tabiǧattyŋ tazalyǧyn saqtau, tarihi-mädeni mūrany qorǧau. Osyndai igı bastamalar jaŋa ekologiialyq mädeniettı qalyptastyryp, el ışınde patriotizm men auyzbırşılıktı arttyra tüsedı. Būl – ärbır azamatty eldıŋ keleşegıne jauapkerşılıkpen qarauǧa ündeitın qozǧalys», – dedı halyq qalaulysy.
Aksiia aiasynda belsendıler men volonterler jol jiegın, avtotūraqtar men kemping aumaqtaryn tazalaidy. Jūmys kvadrokopterler arqyly jürgızılgen aerobarlau derekterıne süiene otyryp ūiymdastyrylady. Jinalǧan qoqys poligondarǧa jetkızıledı.
«Qazaqstan – ūlan-ǧaiyr dalasy bar, tabiǧaty är aluan memleket. Keŋ baitaq jerı men qaitalanbas tabiǧatymen taŋǧaldyratyn el. Bıraq osynau keŋ kösılgen baitaq jerımızde qoqys üiındılerı közge tüsıp, äsem tabiǧattyŋ ajaryn ketırıp jatady. Ötken jyly «Jastar Ruhy» jastar qanatynyŋ 2 myŋnan astam belsendısı men jaqtastary Astanadan Almatyǧa deiıngı 1200 şaqyrymdyq joldy jürıp ötıp, 100 tonna qoqys jinady. Biylǧy mındet – tek qoqys jinap qana qoimai, ony sūryptap, eldıŋ ekologiialyq mädenietın damytuǧa üles qosu. Būl igı ıske är qazaqstandyq üles qosa alady. Respublikamyzdy bırge taza ärı jaily mekenge ainaldyraiyq», – dedı «Qoǧamdy ekologiialyq damytu ortalyǧy» qoǧamdyq qorynyŋ jetekşısı Tanir Iаssa.
Aita keteiık, «Taza beisenbı» aksiiasy aiasynda «AMANAT» partiiasynyŋ müşelerı men «Jastar Ruhy» belsendılerı bır jarym jylǧa jetpeitın uaqytta 1000-nan astam lastanǧan aumaqty tazartyp, abattandyrdy. Is-şaralarǧa 90 myŋǧa juyq adam qatysyp, 160 myŋ tonnadan astam qoqys şyǧaryldy.
Ekologiialyq mäselelerdı şeşu – «AMANAT» partiiasynyŋ sailaualdy baǧdarlamasyndaǧy maŋyzdy basymdyqtardyŋ bırı. 2027 jylǧa deiın tūrmystyq qatty qaldyqtardy qaita öŋdeu jäne kädege jaratu ülesın 36%-ǧa deiın arttyru, Jaiyq özenınıŋ ekojüiesın qalpyna keltıru, Balqaş kölıne tūraqty su aǧynyn qamtamasyz etu, aua sapasynyŋ indeksın engızu, käsıporyndardyŋ lastauşy zattar şyǧaryndylaryn 40%-ǧa deiın tömendetu, sondai-aq 14 jaŋa su qoimasyn salu jäne qoldanystaǧy 16 qoimany qaita jaŋǧyrtu josparlanǧan.
