Bügın Türkıstan qalasynyŋ äkımı kezektı köşpelı kezdesuler aiasynda Äzımbek Pazylbekūly Sauran sektorynyŋ tūrǧyndarymen kezdestı.
Kezdesu barysynda qala basşysy 2024 jyly tūrǧyndar tarapynan köterılgen mäselelerdıŋ oryndalu barysy jäne sektor aumaǧynda atqarylyp jatqan jūmystar jaiynda baiandady. Sonymen qatar, aldaǧy kezeŋge josparlanǧan jobalarmen tanystyryp, tūrǧyndarmen aşyq dialog ornatty.
Jiyn barysynda jergılıktı tūrǧyndar jol sapasy men qauıpsızdıgı, tūrǧyn üi aulalarynyŋ tazalyǧy, oiyn alaŋşalary men qoǧamdyq kölık qatynasy, infraqūrylym sapasy syndy mäselelerdı köterdı. Äzımbek Pazylbekūly tūrǧyndardyŋ barlyq sūraqtaryna jauap berıp, tiıstı sala basşylaryna naqty tapsyrmalar berdı.
Sauran sektorynda infraqūrylymdyq jobalar jüielı türde kezeŋ-kezeŋımen jüzege asyryluda. Qazırgı taŋda A.Jangeldin köşesınde jaŋa oiyn alaŋşasyn salu, B.Mailin köşesındegı ainalma jolda MAF ornatu, sondai-aq №1,2 möltek audandarda aulalyq aumaqtardy abattandyru, oiyn alaŋşalaryn aǧymdaǧy jöndeu jäne jaryq şamdaryn retke keltıru jūmystary jürgızılude.
Sondai-aq, O.Jarylqapov köşesınde jol belgılerın ornatu, Äl-Farabi köşesınde jol jöndeu jūmystary tolyǧymen aiaqtalsa, Energetikter köşesınde aulaışılık abattandyru jūmystary bastau aldy.
Sonymen qatar, sektordaǧy jaŋadan qonystanǧan tūrǧyn üilerge su jüielerın tartu jäne qaita qūru boiynşa 2-kezek jobasy äzırlenu üstınde. Atalǧan nysannyŋ qūrylys jūmystaryn 2026 jyly bastau josparlanyp otyr.
Kezdesu soŋynda qala äkımı tūrǧyndardy jeke mäselelerı boiynşa qabyldap, aryz-şaǧymyn tyŋdady.
Aita keteiık, Äzımbek Pazylbekūlynyŋ halyqpen kezdesuı bügın, 28 mamyr künı 15:00de - Sandybaev köşesındegı №18 mektepte, erteŋ, 29 mamyr künı saǧat 10:00de- Mädeni ruhani ortalyqta ornalasqan «Ūly-dala ortalyǧy» keşenınde, 15:00de- ÄIO-ǧy 9-şy köşe boiynda ornalasqan №33 mektepte jalǧasady.
Ūqsas jaŋalyqtar
