Özbekstandaǧy Horezm oblysynyŋ Tuprakkala audanynda ekologiialyq taza aviaotyn öndıretın alyp zauyt salynady. Jobany australiialyq Allied Biofuels kompaniiasy jüzege asyrady. İnvestisiia kölemı — 5,9 milliard AQŞ dollary. Būl turaly kompaniia ökılderı men jergılıktı bilık jariialady, dep habarlaidy “Adyrna”.
Anyqtalǧandai, joba jönındegı kelısımge kompaniia basşysy Alfred Benedikt pen Horezm oblysynyŋ äkımı Jurabek Rahimov Hiuada ötken Halyqaralyq investisiialyq forum aiasynda qol qoiǧan. Qūjatqa säikes, jergılıktı bilık zauyt qūrylysyna arnalǧan jer telımın bölıp, öndırıs ornyna su jetkızudı qamtamasyz etuge uäde berdı.
Käsıpkerler jyl saiyn 382 myŋ tonna tūraqty aviasiialyq otyn (SAF), 152 myŋ tonna elektro-sintetikalyq otyn (e-SAF) jäne 11 myŋ tonna jaŋartylatyn («jasyl») dizel öndırudı josparlap otyr. Būl otyndardyŋ soŋǧysy 2 GVt quattylyqtaǧy elektrolizerler arqyly alynatyn sutegı negızınde şyǧarylady.
Kompaniia ökılderınıŋ aituynşa, joba Özbekstannyŋ 2030 jylǧa qarai kömırtek beitaraptyǧyna qol jetkızuge baǧyttalǧan ūlttyq klimattyq strategiiasyna tolyqtai säikes keledı.
«Önerkäsıptık kölemde nöldık şyǧaryndylary bar otyn öndıru kölık pen önerkäsıp salalarynda qazba otyndaryn almastyruǧa, parniktık gazdar şyǧaryndylaryn azaituǧa jäne eldıŋ “jasyl” energetikaǧa köşu üderısın jedeldetuge mümkındık beredı», — deidı Allied Biofuels ökılderı.
Kelısımge qol qoiuǧa bailanysty pıkır bıldırgen Alfred Benedikt būl kelısımdı kompaniia üşın «tarihi» dep atady. Al Jurabek Rahimov öz kezegınde käsıpkerge alǧys aityp, jobanyŋ jüzege asyryluy Horezmnıŋ «jasyl» energetika ortalyǧy retındegı ornyn nyǧaityp, jüzdegen jūmys ornyn qūryp, oblys ekonomikasyna eleulı üles qosatynyn aitty.
Būǧan deiın, säuır aiynda, Özbekstan Respublikasynyŋ Şeteldık investisiialardy tartu ministrlıgı osy käsıporynmen yntymaqtastyq jönınde memorandumǧa qol qoiǧan bolatyn. Sol kezde elde jaŋartylatyn energiia men biomassa qoldana otyryp, karbamid, aviaotyn jäne dizel otyny öndırıletın zauyt salu jospary talqylanǧan. Şeteldık kompaniia jobany jüzege asyruǧa 5,5 milliard dollar investisiia saluǧa daiyn ekenın mälımdegen.
