Mysyrda 6 qazan künı İzrail men HAMAS delegasiialarynyŋ kelıssözderı ötedı. Kezdesude kepılge alynǧan izraildık adamdar men palestinalyq tūtqyndardy bosatu mäselesın egjei-tegjeilı talqylanady. Būl turaly DW basylymy jazdy, dep habarlaidy “Adyrna”.
Aqparatqa säikes, Mysyr İzrail men Palestinanyŋ HAMAS terroristık ūiymynyŋ ökılderın 6 qazanda AQŞ prezidentı Donald Tramptyŋ beibıtşılık jospary aiasynda Gaza sektoryndaǧy izraildık kepılge alynǧan adamdardy palestinalyq tūtqyndarǧa aiyrbastau boiynşa kelıssözder jürgızuge şaqyrdy.
Tıkelei emes, janama jürgızıletın kelıssözder Tramptyŋ Gaza sektoryndaǧy soǧys qimyldaryn aiaqtau josparyn ūsynǧannan keiın tuyndaǧan "aimaqtyq jäne halyqaralyq serpındı damuǧa baǧyttalǧan küş-jıgerdıŋ bır bölıgı " bolyp tabylady", - dedı 4 qazanda keşke Kairdegı Syrtqy ıster ministrlıgı.
Kezdesudıŋ naqty qai jerde ötetını naqtylanbady. Kelıssözder Şarm-eş-Şeihte nemese Kairda ötuı mümkın.
Būǧan deiın AQŞ prezidentı Donald Tramp ekı jylǧa juyq jalǧasqan soǧysty toqtatu jönındegı ultimatumyn ışınara qabyldaǧan HAMAS äreketın qūptai otyryp, İzrailden Gaza sektoryn bombalaudy dereu toqtatudy talap etken bolatyn.
