Almaty maŋyndaǧy Alatau qalasyn damytu maqsatynda memlekettık qor qūrylu qūrylmaq, dep habarlaidy "Adyrna" ūlttyq portaly QazAqparatqa sıltep.
Būl turaly mäjılıs deputatynyŋ saualyna jauap bergen QR premer-ministrı Oljas Bektenov aitty.
«Qoldanystaǧy zaŋnamaǧa säikes qalanyŋ Ükımetke tıkelei baǧynu mümkındıgı joq. Osyǧan bailanysty Prezident Jarlyǧy aiasynda strategiialyq şeşımder qabyldaityn Alatau qalasyn damytu mäselesı boiynşa keŋes jäne operasiialyq qyzmetke jauapty Alatau City Authority memlekettık qoryn qūru közdelgen», — delıngen Ükımet basşysynyŋ jauabynda.
Premer-ministrdıŋ sözınşe, Alatau qalasyna arnaiy märtebe beru mäselesın zaŋnamalyq deŋgeide bekıtu josparlanyp otyr. Būl akt sifrlyq aktiv ainalymyn retteu, halyqaralyq standarttarǧa sai qūrylys jürgızu, tehnologiialyq innovasiialar men jasandy intellektını engızu, «Alatau» arnaiy ekonomikalyq aimaǧynyŋ qyzmetın üilestıru baǧyttaryn qamtityn bolady.
«Qala qūrylǧannan berı memleket mūqtajy üşın şamamen 593 gektar jer uchaskesı alynǧan, jyl soŋyna deiın taǧy 2,4 myŋ gektar aumaq alu josparlanyp otyr», — dedı ol.
