2025 jylǧy 6–17 qazan aralyǧynda Polşanyŋ Varşava qalasynda EQYŪ Demokratiialyq instituttar jäne adam qūqyqtary biurosynyŋ adam ölşemı jönındegı konferensiiasy ötıp jatyr.
Is-şara aiasynda adam qūqyqtary salasyndaǧy zaŋnamany reformalau boiynşa ılgerıleu mäselelerı talqylanuda. Tūrmystyq zorlyq-zombylyqtyŋ aldyn alu jönındegı jüielı şaralar turaly baiandamalar ūsynyldy.
2024 jylǧy 15 säuırde Qazaqstan Respublikasynyŋ «Äielderdıŋ qūqyqtaryn jäne balalardyŋ qauıpsızdıgın qamtamasyz etu mäselelerı boiynşa Qazaqstan Respublikasynyŋ keibır zaŋnamalyq aktılerıne özgerıster men tolyqtyrular engızu turaly» №72-VIII Zaŋy qabyldandy. Būl zaŋda Otbasyny qoldau ortalyqtarynyŋ funksiialary bekıtılgen.
Zaŋ küşıne engennen keiın mūndai ortalyqtardyŋ sanynyŋ ösuınde oŋ dinamika baiqalady.
Mäselen, ötken jyldyŋ mausymynan biylǧy mausymǧa deiın kommunaldyq memlekettık mekeme retınde aşylǧan ortalyqtardyŋ sany 33-ten 131-ge deiın artqan.
2025–2027 jyldary olardyŋ sanyn 208-ge deiın jetkızu josparlanyp otyr.
Atalǧan taqyryp boiynşa baiandamaşy – Ūlttyq käsıbi äleumettık qyzmetkerler aliansynyŋ atqaruşy direktory Dinara Esımova bylai dedı:
«Qazaqstandaǧy tūrmystyq zorlyq-zombylyqtyŋ auqymy, türlerı men faktorlaryn taldau institusionaldyq ılgerıleudı, qoǧamdyq özgerısterdı jäne osy saladaǧy memlekettık saiasat şaralarynyŋ damuyn körsetetın bırqatar oŋ ürdısterdı aiqyndaidy.
2024 jyly bırqatar äkımşılık qūqyq būzuşylyqtar (sonyŋ ışınde ūryp-soǧu jäne jeŋıl därejede dene jaraqatyn salu) qylmystyq sanatqa auystyrylǧan zaŋnamalyq reforma jürgızıldı. Nätijesınde qūqyq būzuşylyqtardy anyqtau deŋgeiı artty.
Ūlttyq baiandama nätijesınde alynǧan sosiologiialyq derekter halyqtyŋ joǧary habardarlyǧyn körsetedı: saualnamaǧa qatysuşylardyŋ 59,3%-y zaŋnyŋ qabyldanǧanyn bıledı. Būl qoǧamnyŋ osy mäselege ösıp kele jatqan nazaryn jäne qorǧau şaralaryna jügınu deŋgeiınıŋ artuyn däleldeidı».
