AQŞ prezidentı Donald Tramp 1 qaraşadan bastap Qytaidan keletın barlyq tauarlarǧa 100 paiyzdyq kedendık baj salyǧy engızıletının mälımdedı, dep habarlaidy "Adyrna" ūlttyq portaly.
Būl tarifter qazırgı qoldanystaǧy baj salyǧynan bölek esepteledı.
Tramp būl turaly Truth Social äleumettık jelısınde jazyp, Qytaidyŋ “öte agressivtı sauda saiasatyn” synǧa aldy. Onyŋ aituynşa, Qytai 2025 jyldyŋ 1 qaraşasynan bastap eksporttalatyn önımderdıŋ basym bölıgıne jäne keibır öndırılmeitın tauarlarǧa da auqymdy eksporttyq baqylau engızudı josparlap otyr.
“Būl halyqaralyq saudada būryn-soŋdy bolmaǧan jaǧdai jäne basqa eldermen qarym-qatynastaǧy moraldyq masqara”, – dedı AQŞ prezidentı.
Sonymen qatar, Tramp strategiialyq maŋyzy bar baǧdarlamalyq qamtamasyz etuge de eksporttyq şekteu engızıletının aitty.
Mälımdeme Qytaidyŋ sirek kezdesetın metaldardyŋ eksportyna jaŋa baqylau engızgenınen keiın jasaldy. Būǧan jauap retınde Tramp Qytai importyna “keŋ kölemdı tariftık şaralar” qoldanatynyn eskertken edı.
Aita keteiık, Donald Tramp pen Qytai töraǧasy Si Szinpin qazan aiynda Oŋtüstık Koreiada ötetın ATES sammitınde kezdesedı dep josparlanǧan bolatyn. Alaida Tramp būl kezdesudıŋ qajetı joq ekenın aitsa, Qytai tarapy resmi türde rastamaǧan.
