IIM oiyn-sauyq ortalyǧyndaǧy dau-damai turaly aityp, deputattarǧa "şüilıktı", dep habarlaidy "Adyrna" ūlttyq portaly.
Qoǧamdaǧy qauıpsızdık pen tärtıp mäselelerıne arnalǧan köşpelı Ükımet saǧatynda IIM-ge oiyn-sauyq oryndarynyŋ sanyn qysqartu jönınde sūraq qoiyldy.
Mäjılıs deputaty Danabek İsabek 102 nömırıne kelıp tüsetın qoŋyraulardyŋ köbı tüngı uaqytta jäne demalys künderı tırkeletının aityp, oiyn-sauyq oryndarynyŋ qauıpsızdık deŋgeiın baǧalau reitingı qandai nätije berıp jatqanyn sūrady.
Ministr Erjan Sädenov reiting engızu mäselenı tübegeilı şeşpeitının atap öttı.
"Qazır reiting boiynşa osyndai 193 oiyn-sauyq ortalyǧy bar. Ol jerde qylmys, būzaqylyq jasalǧan. Osyndai mekemelerdı anyqtap, özımızdıŋ saittarǧa jariialap, äkımdıkterge jetkızemız. Ne üşın? Halyq körıp, özı qorytyndy şyǧaru kerek. Ol jerde taǧamy tättı bolsa, oiyn-sauyq ūiymdastyru mäselesı dūrys bolsa, sol reitingke qaramastan el baryp jatady. Ony bız bılemız, bärımız kuämız. Keibıreulerıŋız baratyn da şyǧarsyzdar... Bılemız ǧoi, ony, qalai ekenın", - dep jauap berdı ministr.
Sondai-aq otyrys barysynda äskerdegı ölım-jıtım mäselesı de söz boldy.
Mülkınıŋ tu-talaqaiy şyqqan. Deputat Qazaq ūlttyq agrarlyq zertteu universitetınıŋ aktivterın qaitarudy talap ettı