Gaza sektorynda soǧysty toqtatu turaly kelısımge AQŞ, Qatar, Egipet jäne Türkiia qol qoidy, dep habarlaidy "Adyrna" ūlttyq portaly.
Resmi qol qoiu räsımı Egipettıŋ Şarm-eş-Şeih qalasynda öttı. Is-şaraǧa AQŞ prezidentı Donald Tramp, Egipet basşysy Abdel Fattah as-Sisi, Türkiia prezidentı Rejep Taiip Erdoǧan jäne Katar ämırı Tamim bin Hamad äl Tani qatysty.
Tramp būl kelısımdı «Bükıl Taiau Şyǧys üşın jaŋa bastau» dep atady.
«Bız bügın atap ötıp otyrǧan būl tarihi qadam — Gaza soǧysynyŋ aiaqtaluy ǧana emes. Būl — terror jolynan tübegeilı bas tartqan jaŋa, tūraqty jäne bırtūtas öŋırdıŋ bastauy», — dedı ol Reuters agenttıgıne bergen mälımdemesınde.
Kelısımnıŋ alǧaşqy kezeŋınde HAMAS izraildık tūtqyndardy bosatyp, al İzrail palestinalyq tūtqyndardy bosatqan. Qūjatta beibıtşılık ornatuǧa qatysty 20 naqty tarmaq körsetılgen. Qazırgı taŋda kelısımnıŋ ekınşı kezeŋıne daiyndyq jürıp jatyr.
Sammitke ondaǧan eldıŋ köşbasşylary qatysty. Olardyŋ qatarynda Fransiia prezidentı Emmanuel Makron, Ūlybritaniia premerı Kir Starmer, İtaliia premerı Djordja Meloni, Palestina prezidentı Mahmud Abbas, İordaniia korolı Abdulla II, Äzerbaijan prezidentı İlham Äliev jäne Armeniia premerı Nikol Paşinian boldy.
Aita keteiık, İzrail men HAMAS ökılderı sammitke qatysqan joq. Degenmen Tramp Egipetke kelmes būryn İzrail premerı Biniamin Netaniahumen kezdesıp, ony qol qoiu räsımıne şaqyrǧan. Alaida ol evrei merekesınıŋ bastaluyna bailanysty qatysa almaitynyn aitqan.
