Aqtöbe oblysynda 9-synyp oquşysynyŋ jüktı bolyp, bosanu faktısı boiynşa tergeu amaldary jürıp jatyr, dep habarlaidy "Adyrna" ūlttyq portaly.
Būl turaly oblystyq polisiia departamentınıŋ baspasöz qyzmetı habarlady.
Vedomstvo mälımetınşe, atalǧan oqiǧa boiynşa qylmystyq ıs qozǧalyp, küdıktı tūlǧa anyqtalyp, qamauǧa alynǧan.
«Polisiia qyzmetkerlerı atalǧan derek boiynşa qylmystyq ıstı tırkedı. Küdıktı tūlǧa ūstalyp, qamauǧa alyndy. Qazırgı uaqytta bolǧan jaǧdaidyŋ barlyq män-jaiyn, sebepterı men oǧan yqpal etken jaǧdailardy anyqtauǧa baǧyttalǧan sotqa deiıngı tergeu amaldary jürgızılıp jatyr. Tergeu aiasynda keşendı tergeu jäne prosessualdyq şaralar atqaryluda», — dep mälımdedı Aqtöbe oblystyq PD baspasöz qyzmetı.
Qūqyq qorǧau organdarynyŋ habarlauynşa, ıstıŋ tergeu barysy oblystyq polisiia departamentı basşylyǧynyŋ erekşe baqylauynda.
