14 qazan künı belgılı änşı Dimaş Qūdaibergen Almaty Open turnirınde öner körsetıp, Fransiia, AQŞ, Türkiia jäne Qazaqstan avtorlarynyŋ änderın oryndady. Sondai-aq ol kompozitor retınde özınıŋ «Samǧau» atty jaŋa tuyndysyn tanystyrdy, dep habarlaidy «Adyrna» tılşısı dimashnews.com-ǧa sılteme jasap.
Änşınıŋ qazaq tılındegı halyqqa tartu etken «Samǧau» atty tuyndysy – aspanǧa samǧaǧan qyrannyŋ öz halqy men jalpy älemge degen şeksız mahabbatyn beineleitın simvoldyq arnau. Än alǧaş ret 5 qazanda Madison Square Garden sahnasynda ötken Dimaştyŋ jeke konsertınde şyrqalyp, keiın Meksikadaǧy “Stranger” şouynda ekı ret oryndalǧan bolatyn.
«Būl jarys öz elımızde ötıp jatqandyqtan jäne oǧan bızdıŋ sportşylar qatysyp, Qazaqstannyŋ bedelın köterıp jürgendıkten, mümkındıgınşe qarap, qoldau körsetuge tyrysamyn. Ärine, özımdı asa qyzu janküiermın dep aita almaimyn, bıraq ünemı bolmasa da, tennistı tamaşalauǧa uaqyt tabamyn», – dedı Dimaş.
Sondai-aq ol Qazaqstan tuyn kötergen barlyq sportşyǧa ystyq yqylaspen janküier bolatynyn atap öttı.
Aita keteiık, Almaty Open ATP 250 – halyqaralyq deŋgeidegı ırı tennis turnirlerınıŋ bırı ǧana emes, sonymen qatar äigılı ärtıster qatysatyn erekşe mädeni şara.
Būǧan deiın Dimaş Qūdaibergennıŋ Mehikodaǧy konsertı anşlagpen ötkenı aitylǧan edı. Endı änşı Europanyŋ bırneşe elınde konsert beredı.
