Äzerbaijan prezidentı İlham Äliev Kazinform agenttıgıne sūhbat berdı, dep habarlaidy "Adyrna" ūlttyq portaly.
Sūqbatta Qazaqstanmen aradaǧy saiasi, ekonomikalyq jäne mädeni bailanystardyŋ joǧary deŋgeide damyp kele jatqany aitylǧan. Sondai-aq, ol aldaǧy Qazaqstanǧa memlekettık saparyna qatysty josparlarymen bölısken.
Prezidenttıŋ aituynşa, Äzerbaijan men Qazaqstan arasyndaǧy qarym-qatynas özara senım men bauyrlastyqqa negızdelgen.
«Bız ortaq türkı bıregeilıgı men ruhani qūndylyqtarǧa süiene otyryp, şynaiy strategiialyq jäne odaqtastyq serıktestıktı ornattyq», – dedı Äliev.
Memleket basşysy ekı eldıŋ joǧary deŋgeidegı tūraqty dialogynyŋ nätijesınde sauda-ekonomikalyq jäne mädeni yntymaqtastyq aitarlyqtai nyǧaiǧanyn atap öttı.
Soŋǧy üş jylda Äliev Qazaqstanǧa jetınşı ret kelmek. Ol är saparynda Qazaqstannyŋ damuyna kuä bolatynyn jäne Prezident Qasym-Jomart Toqaev jürgızıp otyrǧan saiasattyŋ nätijelı ekenın aitty.
2024 jyly ekı el arasyndaǧy tauar ainalymy 470 mln dollardy, al 2025 jyldyŋ alǧaşqy segız aiynda 547 mln dollarǧa jetken. Äzerbaijan Qazaqstan ekonomikasyna 225 mln dollar, al Qazaqstan Äzerbaijanǧa 136 mln dollar investisiia salǧan.
Äliev Orta dälızdıŋ maŋyzyna toqtalyp, Aqtau men Aliat porttary arqyly jük tasymalynyŋ artqanyn jäne ekı eldıŋ logistikalyq infraqūrylymdy jaŋǧyrtyp jatqanyn aitty.
Sondai-aq, «QazMūnaiGaz» jäne SOCAR kompaniialary arasyndaǧy Aqtau–Djeihan baǧyty boiynşa mūnai tranzitı jönındegı kelısım energetikalyq serıktestıktı küşeitıp otyrǧanyn mälımdedı.
Prezident mädeni bailanystarǧa da nazar audardy.
2023 jyly Äzerbaijanda Qazaq mädenietınıŋ, al 2024 jyly Qazaqstanda Äzerbaijan mädenietınıŋ künderı öttı. Ol sondai-aq Kemel Toqaevtyŋ «Tünde atylǧan oq» kıtabynyŋ äzerbaijan tılınde jaryq köruın bauyrlastyq qarym-qatynastyŋ aiǧaǧy dep atady.
Kaspii teŋızınıŋ taiyzdanu mäselesıne qatysty İlham Äliev ekologiialyq tepe-teŋdıktı saqtau üşın Kaspii maŋy elderınıŋ ǧylymi jäne praktikalyq yntymaqtastyǧyn küşeitu qajet ekenın aitty.
Sondai-aq, Äliev Türkı memleketterı ūiymynyŋ elder arasyndaǧy bauyrlastyq pen integrasiiany tereŋdetudegı rölın joǧary baǧalady.
«TMŪ elderı arasyndaǧy bailanystar bızdıŋ türkı älemınıŋ saiasi jäne ekonomikalyq quatyn arttyruǧa mümkındık beredı», – dedı ol.
Aita keteiık, 1991 jyly 18 qazanda Äzerbaijan täuelsızdıgın jariialaǧan. Al 2021 jyly būl kün «Täuelsızdıktıŋ qalpyna keltırılgen künı» degen ataudy ielendı. Ataudyŋ özgeruıne 2020 jylǧy Qarabaqty azat etu soǧysyndaǧy jeŋıs sebep bolǧan. Būl sūhbat osy künmen tūspa-tūs jariialanyp otyr.
Eske sala keteiık, 20-21 qazan künderı Äzerbaijan basşysy İlham Äliev Qazaqstanǧa memlekettık saparmen keledı
