Almaty qalasynda balabaqşa qyzmetkerınen 20 million teŋge talap etken er adam ūstaldy, dep habarlaidy "Adyrna" ūlttyq portaly.
Būl turaly qalalyq Polisiia departamentınıŋ baspasöz qyzmetı mälımdedı.
Aldyn ala mälımet boiynşa, jeke balabaqşanyŋ qyzmetkerı polisiiaǧa aryzdanǧan. Ol balabaqşadaǧy bır balanyŋ äkesı pedagogtyŋ äreketıne narazy bolyp, jalǧan aqparat taratamyn dep qorqytyp, odan 20 million teŋge talap etkenın aitqan.
Qalalyq Polisiia departamentınıŋ ūiymdasqan qylmysqa qarsy küres basqarmasy qajettı qūjattardy dūrys räsımdeuge kömektesıp, dälelderdı jinaǧan.
Qazırgı uaqytta küdıktı ūstalyp, uaqytşa ūstau izoliatoryna qamaldy.
Is boiynşa tergeu amaldary jürgızılude.
Ūqsas jaŋalyqtar
