Orynbor gaz öŋdeu zauytyna jasalǧan dron şabuylynan keiın onyŋ jūmysy uaqytşa toqtatylǧanymen, būl jaǧdai Qazaqstanǧa gaz jetkızuge äser etken joq ekenı aityldy, dep habarlaidy "Adyrna" ūlttyq portaly.
Būl turaly QR energetika ministrlıgı habarlady.
Vedomstvonyŋ mälımetınşe, äleumettık jelıler men keibır BAQ-ta taraǧan Astana men özge öŋırlerde gaz tapşylyǧy tuyndauy mümkın degen aqparat şyndyqqa janaspaidy.
«Gazben jabdyqtau tolyq kölemde, ştattyq rejimde jäne eşqandai şekteusız jüzege asyrylyp jatyr», – delıngen ministrlık habarlamasynda.
Energetika ministrlıgı atap ötkendei, gaz jetkızudıŋ tūraqtylyǧy aldyn ala qarastyrylǧan rezervtık tetıkter esebınen qamtamasyz etılude. Barlyq jetıspeitın kölemder qoldanystaǧy kelısımşarttar aiasynda jedel türde tolyqtyrylady. Sondyqtan ışkı naryqtaǧy tūtynuşylar, sonyŋ ışınde elordadaǧy JEO-lar üşın gaz tapşylyǧy joq jäne boljanbaidy.
Orynbor GÖZ-ı aldaǧy uaqytta qazaqstandyq gazdy qabyldaudy qaita bastaidy dep kütılude. Al äzırge Qaraşyǧanaq ken ornyndaǧy operator öndırıs kölemın uaqytşa şekteulı türde azaitqan.
«Būl şara Qazaqstannyŋ ışkı naryǧyna gaz jetkızu mındettemelerıne äser etpeidı. Zauyt jūmysy tolyq qalpyna kelgen soŋ öndırıs josparly körsetkışterge qaita oralady», – delıngen ministrlık habarlamasynda.
Reuters agenttıgınıŋ deregınşe, Orynbor zauytynyŋ toqtauynan keiın Qaraşyǧanaqta mūnai men gaz kondensatyn öndıru kölemı 25–30 paiyzǧa azaiǧan.
