Aqtöbe oblysynda jantürşıgerlık jol apaty oryn alyp, 12 adam köz jūmdy, dep habarlaidy "Adyrna" ūlttyq portaly jergılıktı PD baspasöz qyzmetıne sılteme jasap.
Qaiǧyly jaǧdai 23 qazan künı Samara – Şymkent tasjolynda, Belqopa auylynyŋ maŋynda bolǧan. Aldyn ala mälımetter boiynşa, DAF markaly jük kölıgı qarsy baǧytqa şyǧyp, jolauşylar mıngen “GAZel” avtokölıgımen soqtyǧysqan.
Polisiianyŋ habarlauynşa, jol apaty saldarynan ekı jürgızuşı men “GAZeldegı” 10 jolauşy oqiǧa ornynda qaza tapqan. Taǧy bes adam türlı jaraqatpen auruhanaǧa jetkızıldı.
Qaiǧyly oqiǧa boiynşa sotqa deiıngı tergeu bastaldy. Belgılı bolǧandai, “GAZel” resmi türde Jürgenev atyndaǧy auyldan oblys ortalyǧyna jolauşy tasymaldaumen ainalysqan.
Qazırgı taŋda oqiǧa ornynda polisiia qyzmetkerlerı men tergeu toby jūmys ıstep jatyr. Barlyq män-jai anyqtaluda.
Aqtöbe oblysy äkımdıgınıŋ mälımetınşe, zardap şekkender Hromtau audandyq auruhanasyna jetkızılgen. Olardyŋ üşeuınıŋ jaǧdaiy auyr, ekeuınıŋ jaǧdaiy ortaşa auyrlyqta. Bır adam auruhanaǧa jatudan bas tartqan.
Oblys äkımı Ashat Şaharov oqiǧa ornyna baryp, jaǧdaimen tanysty.
