Premer-ministr tapsyrmasymen Aqtöbe oblysynda bolǧan jantürşıgerlık jol apatynyŋ sebepterın anyqtau maqsatynda ükımettık komissiia qūryldy, dep habarlaidy "Adyrna" ūlttyq portaly.
Būl turaly Ükımettıŋ baspasöz qyzmetı mälımdedı.
Ükımet basşysy komissiia müşelerıne tergeudı dereu bastaudy, jol-kölık oqiǧasynyŋ män-jaiyn jan-jaqty zertteudı jäne qaza tapqandar men zardap şekkenderdıŋ otbasylaryna alǧaşqy kömek körsetudı tapsyrdy.
«Premer-ministrdıŋ orynbasary Qanat Bozymbaev basşylyq etetın Komissiia qūramynda ışkı ıster, eŋbek jäne halyqty äleumettık qorǧau, densaulyq saqtau jäne kölık ministrlıkterınıŋ jetekşılerı, sondai-aq Aqtöbe oblysy äkımdıgınıŋ ökılderı bar», — delıngen Ükımet habarlamasynda.
Eske salaiyq, 23 qazan künı Samara – Şymkent tasjolynda, Belqopa auylynyŋ maŋynda DAF jük kölıgı men jolauşylar mıngen “GAZel” avtokölıgı soqtyǧysyp, 12 adam qaza tapqan bolatyn. Taǧy bes adam türlı jaraqat alyp, auruhanaǧa jetkızıldı.
Qazırgı taŋda oqiǧa ornynda tergeu toby jūmys ıstep jatyr. Samara – Şymkent tasjolynyŋ apat bolǧan bölıgı uaqytşa jabylǧan.
