Serbiianyŋ Novi-Sad qalasynda ötıp jatqan küres türlerınen 23 jasqa deiıngı älem chempionatynda äielder arasyndaǧy bäsekede Qazaqstan qūramasy tūŋǧyş ret altyn medal jeŋıp aldy, dep habarlaidy "Adyrna" ūlttyq portaly.
55 kelı salmaqta synǧa tüsken Şūǧyla Ömırbek finaldyq beldesude bırneşe jas sanatynda Europa chempiony atanǧan türkiialyq Tuba Demirdı 12:8 esebımen ūtyp, tarihi jetıstıkke qol jetkızdı.
Jarys barysynda qazaqstandyq baluan 23 jasqa deiıngı älem chempionatynyŋ kümıs jüldegerı Mihael Simondy (Moldova) 10:2, kadetter arasyndaǧy älem chempionatynyŋ kümıs jüldegerı Aleksandra Voichileskudı (Rumyniia) 3:1, al jartylai finalda 20 jasqa deiıngı Europa chempiony Amori Andrihtı (Germaniia) 2:0 esebımen ūtty.
Aita keteiık, 2017 jyldan berı ūiymdastyrylyp kele jatqan U23 älem chempionatynda osyǧan deiın bırde-bır qazaqstandyq aru finalǧa deiın jetpegen edı.
Memleket basşysy Qasym-Jomart Toqaev Şūǧyla Ömırbektı jeŋısımen qūttyqtady.
«Būl – tarihi jeŋıs. Öitkenı elımız mūndai halyqaralyq jarysta alǧaş ret altyn medal ielenıp otyr. Är salada özınıŋ tabandylyǧymen, eŋbekqorlyǧymen tabysqa jetetın jastardyŋ ösıp kele jatqany quantady. Şūǧylanyŋ aldaǧy uaqytta da biık belesterdı baǧyndyra beruıne tılektestık bıldıremın!» - dedı Memleket basşysy
23 jasqa deiıngı jahandyq dodanyŋ tarihyna köz jügırtsek, 2023 jyly Sūltan Äsetūly (67 kelı, grek-rim küresı) jäne 2024 jyly Rizabek Aitmūhan (97 kelı, erkın küres) chempion atanǧan bolatyn.
Şūǧyla Ömırbektıŋ būǧan deiıngı eŋ ırı jetıstıgı 2024 jyly İordaniiada ötken U23 Aziia chempionatyndaǧy kümıs jüldesı edı.
