Memleket basşysy Qasym-Jomart Toqaev AQŞ prezidentınıŋ Oŋtüstık jäne Ortalyq Aziia boiynşa arnaiy ökılı Serdjio Gormen jäne AQŞ Memlekettık hatşysynyŋ bırınşı orynbasary Kristofer Landaumen kezdestı. Būl turaly bügın, 29 qazanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Kezdesude Vaşingtonda ötetın S5+1 sammitı qarsaŋynda qazaq-amerika keŋeitılgen strategiialyq serıktestıgın damytu perspektivasy talqylandy.
Qasym-Jomart Toqaev Donald Tramptyŋ S5+1 sammitıne arnaiy şaqyrǧany üşın alǧys aitty. Prezident aldaǧy joǧary deŋgeidegı kezdesu ūzaq merzımdı yntymaqtastyqtyŋ basty baǧyttaryn aiqyndau tūrǧysynan nätijelı bolatynyna senım bıldırdı.
Odan bölek, memleket basşysy elımızdıŋ AQŞ prezidentı jürgızıp otyrǧan ışkı jäne syrtqy saiasatty qoldaitynyn jetkızdı. Osy oraida Donald Tramptyŋ beibıtşılıktı nyǧaituǧa jäne halyqaralyq qauıpsızdıktı qamtamasyz etuge qosqan ülesın joǧary baǧalady.
Al Serdjio Gor Qasym-Jomart Toqaevqa Amerika prezidentınıŋ sälemın jetkızdı. Ol AQŞ syrtqy saiasatyndaǧy Ortalyq Aziia öŋırınıŋ strategiialyq maŋyzyn rastady. Onyŋ pıkırınşe, Vaşingtonda ötetın aldaǧy kezdesu ekıjaqty yntymaqtastyqty jaŋa deŋgeige köteredı.
Äŋgımelesu barysynda energetika, asa maŋyzdy mineraldar, sifrlandyru, kölık jäne logistika salalaryndaǧy özara tiımdı serıktestıktıŋ äleuetı qarastyryldy.
Būdan bölek, öŋırlık jäne halyqaralyq kün tärtıbındegı özektı mäselelerge nazar audaryldy.
