Túrkııa prezıdenti Rejep Taıyp Erdoǵan Reseı prezıdenti Vladımır Pýtınniń shaqyrýymen Sochıge keldi. Bul týraly TRT Haber jarııalady, dep habarlaıdy “Adyrna” ulttyq portaly.
Erdoǵanmen birge syrtqy ister mınıstri Mevlıýt Chavýshoglý, energetıka jáne tabıǵı resýrstar mınıstri Fatıh Donmez, qazynashylyq jáne qarjy mınıstri Nýreddın Nebatı, ulttyq qorǵanys mınıstri Hýlýsı Akar, aýyl sharýashylyǵy jáne orman sharýashylyǵy mınıstri Vahıt Kırıshchı, saýda mınıstri Mehmet Mýsh, Ulttyq barlaý uıymynyń basshysy Hakan Fıdan, Túrkııa Qorǵanys ónerkásibi basqarmasynyń basshysy Ismaıl Demır Reseıge bardy.
Erdoǵan men Pýtın ózekti jahandyq jáne aımaqtyq máseleler, Túrkııa men Reseı arasyndaǵy ekijaqty qarym-qatynastar týraly pikir almasady dep kútiledi.
Sırııanyń soltústigindegi soǵys qımyldarynyń yqtımaldyǵy kezdesý kún tártibindegi basym taqyryp bolmaq. Sochıdegi kezdesýde Túrkııa bastamalary jáne Reseı men Ýkraına kelisimge qol qoıǵan keıin qurylǵan astyq dálizi týraly da talqylanady.
Eki prezıdenttiń kún tártibinde Reseı-Ýkraına janjaly da bolady. Erdoǵan áli de atysty toqtatýǵa úles qosýǵa daıyn ekenin málimdedi.
”Adyrna” ulttyq portaly
