Armeniia Ūjymdyq qauıpsızdık turaly şart ūiymyndaǧy (ŪQŞŪ) dauys beru qūqyǧynan aiyryldy. Būl turaly Resei prezidentınıŋ baspasöz hatşysy Dmitrii Peskov 11 qaraşada Mäskeude ötken ŪQŞŪ Ūjymdyq qauıpsızdık keŋesınıŋ otyrysynan keiın mälımdedı. Armeniia būl kezdesuge öz delegasiiasyn jıbermegen, dep habarlaidy «Adyrna» tılşısı.
Peskovtyŋ aituynşa, mūndai şeşım Armeniianyŋ bırneşe jyldan berı ūiym aldyndaǧy mındettemelerın oryndamauyna bailanysty qabyldanǧan.
«Ūiymnyŋ jarǧysyn basşylyqqa ala otyryp, Armeniiany dauys beru qūqyǧynan aiyru, sondai-aq ŪQŞŪ-daǧy jauapty lauazymdarǧa öz ökılderın taǧaiyndau qūqyǧynan aiyru turaly ūsynys jasalyp, şeşım qabyldandy», – dedı Kreml ökılı.
ŪQŞŪ Bas hatşysy Taalatbek Masadykovtyŋ naqtylauynşa, soŋǧy üş jylda Armeniia müşelık jarnalardy tölemegen, sondai-aq ūiymnyŋ hatşylyǧy men Bırıkken ştabyna öz qyzmetkerlerın jıbermegen. Sonymen qatar ol Armeniiany ūiymnan şyǧaru mäselesı qarastyrylmaǧanyn atap öttı.
Būǧan deiın Reseidıŋ Syrtqy ıster ministrı Sergei Lavrov ŪQŞŪ-ǧa müşe elderdıŋ syrtqy ıster ministrlerı Armeniiany dauys beru qūqyǧynan aiyru turaly şeşım jobasyn memleket basşylarynyŋ qarauyna ūsynatynyn mälımdegen edı. Onyŋ aituynşa, mūndai qadamǧa Erevannyŋ 2024 jyldan berı, iaǧni ekı jyldan astam uaqyt boiy müşelık jarnalardy tölemeuı sebep bolǧan.
Sonymen qatar Lavrov Armeniianyŋ ŪQŞŪ-dan şyǧu turaly resmi ötınış bermegenın aitty.
«Armeniia premer-ministrı Nikol Paşinian ŪQŞŪ endı öz elıne qyzyq emes ekenın, öitkenı ūiymnyŋ Armeniia üşın paidasyz ekenın aitqanymen, mūnyŋ bärı äzırge eşqandai qūjatpen rastalmaǧan söz küiınde qalyp otyr», – dedı Resei SIM basşysy.
Lavrovtyŋ sözınşe, Erevan Ūjymdyq qauıpsızdık turaly şart aiasyndaǧy negızgı qūqyqtarynyŋ barlyǧyn, sonyŋ ışınde ūjymdyq qauıpsızdıkke qatysty qūqyqtaryn saqtap qalady.
2024 jyldyŋ aqpanynda Armeniia premer-ministrı Nikol Paşinian elınıŋ ŪQŞŪ-daǧy qatysuyn jandandyruǧa niettı emes ekenın mälımdegen bolatyn.
«Eger ūiym Armeniia Respublikasyn müşelıkten şyǧaruǧa şeşım qabyldasa, men būǧan öte quanyşty bolar edım. Qalai bolǧanda da, būl bızdı ūiymnan şyǧu nemese şyqpau jönındegı dilemmadan bosatar edı», – degen ol 2026–2031 jyldarǧa arnalǧan ükımet baǧdarlamasyna qatysty deputattardyŋ sūraqtaryna jauap beru kezınde.
Paşinian 2024 jyldyŋ aqpanynda Armeniianyŋ ŪQŞŪ-ǧa qatysuyn toqtata tūratynyn jariialaǧan. Al sol jyldyŋ mamyr aiynda el ökılderı ūiymdy qarjylandyrudan bas tartatynyn mälımdedı.
Armeniia bilıgınıŋ ūiymǧa degen közqarasynyŋ özgeruıne 2022 jyldyŋ qyrküiegınde Tauly Qarabaqtaǧy qaqtyǧystyŋ uşyǧuy da äser etken. Erevannyŋ mälımdeuınşe, sol kezde Äzerbaijan armiiasy Armeniianyŋ halyqaralyq deŋgeide moiyndalǧan aumaǧyna basyp kırgenımen, ŪQŞŪ eşqandai äreket jasamaǧan.
Būdan bölek, 2024 jyldyŋ qyrküiegınde Paşinian ŪQŞŪ-ǧa müşe kemınde ekı el Äzerbaijannyŋ Tauly Qarabaqtaǧy soǧysqa daiyndaluyna qatysqanyn mälımdedı. Al Politico basylymy ūiymdaǧy Erevannyŋ odaqtasy Belarustıŋ Bakuge «zamanaui qaru-jaraq» jetkızgenı turaly jazǧan edı.
Mäskeude ŪQŞŪ jiyny ötıp jatqanda Armeniia premer-ministrı Nikol Paşinian Antaliadaǧy COP31 klimattyq sammitıne attanǧan. Onda Armeniia premerı Türkiia prezidentı Rejep Taiip Erdoǧanmen, elaralyq qarym-qatynasty oŋdau jaiyn talqylaǧan. Eske salaiyq, būǧan deiın Armeniianyŋ qauıpsızdık keŋesınıŋ hatşysy Alen Simonian 70 jyldyq sovettık ideologiia Türkiiany Erevanǧa jau körsetkenın aitqan edı.
