Mäjılıs deputaty Ermūrat Bapi «Qazpoşta» jūmysyn synǧa aldy. Ol Mädeniet jäne aqparat ministrı Aida Balaeva men «Qazpoşta» aksionerlık qoǧamynyŋ Basqarma töraǧasy Bekejan Jäkeevke joldaǧan deputattyq saualynda merzımdı baspasöz qūraldaryn tasymaldau tarifterınıŋ qymbattaǧanyn atap öttı, dep habarlaidy «Adyrna» tılşısı.
Aituynşa, soŋǧy uaqytta «Qazpoşta» tarapynan merzımdı basylymdarǧa körsetıletın qyzmetterdıŋ aqysy bırneşe esege ösıp, öŋırlık jäne audandyq gazetterdıŋ qarjylyq jaǧdaiyna auyr tigen.
«Biylǧy jyldyŋ şılde aiynda poşta arqyly merzımdı basylymdardy taratu qyzmetınıŋ aqysy 1000 paiyzǧa deiın artqan bolatyn. Būl özgerıs baspasöz ūjymdary üşın auyr soqqy bolyp, öŋırlık jäne audandyq gazetterdıŋ qarjylyq jaǧdaiyna äser ettı. Al juyrda baspasözge jazylu qyzmetı üşın būrynǧy 17 paiyzdyq mölşerleme 41,76 paiyzǧa deiın köterılgenı jönınde habarlama aldyq. Būl şeşım de redaksiialar men jurnalister qauymy üşın kütpegen jäne auyr soqqy bolyp otyr»,—dedı ol.
Ermūrat Bapi būl jaǧdaiǧa qatysty ministrlık pen «Qazpoştadan» tüsınıkteme berudı talap ettı.
«Sızge tömendegı sūraqtarymyzdy joldaimyz:
1. Aqparat qūraldarymen jasalatyn kelısımşarttar nege tek bır taraptyŋ – «Qazpoştanyŋ» müddesın qorǧaidy?
2. Qyzmet aqysynyŋ köterıluı turaly şeşım nege aldyn ala eskertılmeidı jäne BAQ ökılderımen talqylanbaidy?
3. Köptegen öŋırlerde merzımdı basylymdar oqyrmannyŋ qolyna uaqytyly jetpei jatady. Būl üşın ministrlık tarapynan «Qazpoşta» kompaniiasynyŋ jauapkerşılıgın arttyru maqsatynda nege talaptar qoiylmaidy?
4. Salalyq ministrlıktıŋ esıne salaiyq: redaksiialar jazyludan tüsken qarajatty bırden alu mümkındıgınen aiyrylǧan. Aqşa toqsan saiyn bölıp berıledı. Osy qarajat «Qazpoştanyŋ» esepşotynda jatqan kezeŋde kımnıŋ müddesıne qyzmet etedı?
Būl saualdar – bır ǧana basylymnyŋ emes, bükıl respublikalyq jäne öŋırlık qaǧaz ülgısındegı gazetter şyǧaratyn būqaralyq aqparat qūraldarynyŋ ortaq mäselesı. Sondyqtan köterılgen mäselelerge tüsınıkteme berıp, jariia türde jauap beruıŋızdı sūraimyz»,—dep tolyqtyrdy deputat.
