Bügın, 29 qazanda Parlament Mäjılısınıŋ jalpy otyrysynda “Aq jol” partiiasy töraǧasynyŋ orynbasary, Mäjılıs deputaty Qazybek İsa qazaq ädebietı men ruhaniiat salasyndaǧy özektı mäselelerdı köterıp, Premer-Ministr Oljas Bektenovke deputattyq saual joldady, dep habarlaidy «Adyrna» tılşısı.
Deputat öz saualynda memleket pen ädebiet arasyndaǧy dialogtyŋ älsıreuın synǧa alyp, ädebiettı ūlttyq ideologiianyŋ «jūmsaq küşı» retınde damytu qajettıgın aitty.
«Ädebiet pen memleket arasyndaǧy bailanys – ruhani damu deŋgeiınıŋ aiǧaǧy. Memleket ädebietke nazar audarsa, qoǧamnyŋ ruhani immunitetı küşeiedı. 2025 jyldyŋ qaŋtarynda prezident Qasym-Jomart Toqaev Qazaqstannyŋ halyq jazuşysyTölen Äbdıktıŋ «Egemen Qazaqstandaǧy» sūhbatyna joǧary baǧa berıp, onyŋ aitqan oilary ūlt ruhaniiaty üşın asa maŋyzdy ekenın atap öttı. Prezident: «Özektı oi-tolǧamdaryŋyz arqyly ūlt ruhaniiaty üşın qūndy dünieler aitylǧan. Töl ädebietımızdıŋ damu kökjiegıne qatysty syn-pıkırlerıŋız ben jas buynǧa qarata aitqan aqyl-keŋesterıŋız oryndy dep sanaimyn. Şyn mänınde, jahandy jailaǧan qazırgıdei qūbylmaly zamanda jazuşylar qauymy körkem tuyndylary arqyly ädıldık, jaqsylyq jäne adamdyq qūndylyqtaryn keŋınen därıptegenı jön. Būl elımızdıŋ keleşegı üşın öte maŋyzdy»,—dep jazdy. Būl sözderdıŋ astarynda qandai maŋyzdy ūstanymdar bar? Olar — memlekettıŋ ruhani saiasatynda ädebiettıŋ özındık orny bar ekenın bıldıru, qalamgerdıŋ qoǧam aldyndaǧy missiiasyna qūrmet körsetu, jas buynǧa ädebiet arqyly tärbie berudıŋ maŋyzyn aiqyndau»,—dedı deputat.
Qazybek İsa memleket pen ädebiet arasyndaǧy bailanys mädeni saiasattyŋ jaŋa kezeŋıne jol aşatynyn atap öttı.
«Ädebiet – memlekettıŋ ruhani kody, ǧylymnyŋ ideialyq tıregı jäne ūlttyŋ mäŋgılık jany.Älemdık diplomatiianyŋ jılıgın şaǧyp, maiyn ışken memleket basşysy “ädebi diplomatiia” arqyly köptegen memleketterdıŋ öz yqpalyn jürgızıp otyrǧanyn jaqsy bıledı. Ädebiet – ūlttyq ideologiianyŋ jūmsaq küşı degen osy. Halyqtyŋ eldık sanasyn jäne ūlttyq bıregeilıgın qalyptastyratyn — ädebiet. Memlekettıŋ damuy da, ǧylymnyŋ damuy da, eŋ aldymen, ädebietten, iaǧni ruhaniiattan bastalady. Ǧylym men tehnika qanşa örkendese de, ädebietsız ruhaniiat negızı joq, qoǧamnyŋ jany bolmaidy. Keşegı bilık basyndaǧy bır adamdy ǧana Nobel syilyǧyna ūsynu maqsatydaryndy jazuşylarymyzǧa tosqauyl bolǧan otyz jyl artta qaldy. Endı memleket basşysynyŋ özı ädebietke qoldau jasauda»,—dedı ol.
Sondai-aq deputat qazırgı qazaq ädebietınde zamanaui keiıpkerdıŋ tolyq qalyptaspauyn jäne jastardyŋ ädebietke qyzyǧuşylyǧynyŋ tömendeuın atap ötıp, būl baǧytta jüielı mädeni saiasat qajet ekenın jetkızdı.
Qazybek İsa Ükımet pen ädebi qauym arasyndaǧy mädeni serıktestıktı küşeitu üşın bırneşe naqty bastamany ūsyndy:
1. Qazaq ädebietı institutyn aşu;
2. Qalamgerlerdıŋ eŋbekaqysyn jüieleu jäne qalamaqyny arttyru;
3. Qazırgı zaman ädebietınıŋ jarnamasyn memlekettık deŋgeide qoldau;
4. 100 prozalyq jäne 100 poeziialyq älemdık tuyndynyŋ sapaly audarmasynjasau;
5. Ükımet pen Jazuşylar odaǧy arasynda tūraqty “Ruhani keŋes” qūru;
6. “Qazırgı qazaq ädebietındegı keiıpker” taqyrybyn oqu baǧdarlamasyna engızu;
7. Qazaq ädebi mūrasyn sifrlandyru, elektrondy ädebi platforma jasau;
8. Är oblysta jazuşylar men jastardyŋ tūraqty kezdesuın ūiymdastyru.
