Astanada būrynǧy şeneunık, prezident Qasym-Jomart Toqaevtyŋ eks-keŋesşısı Erjan Babaqūmarovty öltırıp kettı. Būl turaly QazTAG jazdy, dep habarlaidy «Adyrna» tılşısı.
Işkı ıster ministrlıgınıŋ mälımetınşe, oqiǧanyŋ män-jaiy anyqtalyp jatyr.
«Atalǧan fakt boiynşa qylmystyq ıs qozǧaldy. Aldyn ala mälımetter boiynşa, būrynnan tanys adamdar arasynda janjal tuyndap, töbeleske ūlasqan. Sonyŋ saldarynan 56 jastaǧy er adam alǧan jaraqattarynan köz jūmdy», — delıngen habarlamada.
Erjan Jalbaqūly Babaqūmarov 1969 jyly 2 nauryzda düniege kelgen. Äl-Farabi atyndaǧy Qazaq memlekettık universitetın saiasat tarihynyŋ oqytuşysy mamandyǧy boiynşa jäne osy universitettıŋ aspiranturasyn bıtırgen. 1990 jyldary eŋbek jolyn Almaty äkımı apparatynyŋ qūramynda bastaǧan. Keiın Prezident äkımşılıgıne auysyp, ışkı saiasat baǧytyn qadaǧalaǧan. 2006 jyly mädeniet vise-ministrı bolyp taǧaiyndalyp, keiın premer-ministr Kärım Mäsımovtıŋ keŋsesınde jūmys ıstegen.
2019 jyly ol Prezident keŋesşısı – Prezidentı äkımşılıgınıŋ Taldau jäne boljamdau ortalyǧynyŋ meŋgeruşısı boldy. Sol jyly Almaty äkımınıŋ orynbasary qyzmetın atqarǧan. Qaŋtar oqiǧasynan keiın sol kezdegı Almaty äkımı Baqytjan Saǧyntaevpen bırge qyzmetınen ketken. Soŋǧy lauazymy — prezident janyndaǧy Ortalyq kommunikasiialar qyzmetınıŋ direktory.
