Foto: JUSTIN TALLIS/AFP
Angliianyŋ Kembridjşir graftyǧynda poiyzǧa belgısız adamdar pyşaqpen şabuyl jasap, on adam jaraqat aldy. Olardyŋ toǧyzy auyr halde auruhanada jatyr. Būl turaly VVS jazdy, dep habarlaidy “Adyrna”.
Oqiǧa 1 qaraşa keşkı uaqytta Donkaster qalasynan Londondaǧy King’s Cross vokzalyna baǧyt alǧan poiyzda bolǧan. Polisiia deregınşe, şabuyl poiyz Kembridjşir aumaǧynda kele jatqanda oryn alǧan.
Şabuyldan keiın poiyz Hantingdon stansiiasynda jospardan tys toqtauǧa mäjbür boldy. Oqiǧa ornyna jedel järdem, polisiia jäne ört söndıru qyzmetınıŋ köptegen qyzmetkerlerı jettı.
Polisiianyŋ habarlauynşa, toǧyz jolauşy ömırıne qauıp töndıretın jaraqat alǧan, taǧy bır adam jeŋıl jaraqatpen em qabyldauda.
Qūqyq qorǧau organdary ekı küdıktını qamauǧa aldy. Tergeu jūmystary antiterrorlyq bölımşenıŋ qoldauymen jürgızılıp jatyr.
Poiyz qozǧalysy uaqytşa toqtatylyp, aimaq boiynşa kölık qatynasyna da şekteuler qoiylǧan. Polisiia tūrǧyndardan tynyştyq saqtaudy jäne resmi aqparat közderıne jügınudı sūrady.
