«AMANAT» partiiasy azamattarǧa qoldau körsetudıŋ keşendı jüiesın ıske qosty. Būl jüie el azamattarynyŋ äleumettık, ekonomikalyq, eŋbek jäne bılım beru baǧytyndaǧy kün saiynǧy mäselelerın şeşuge arnalǧan. Mäjılıs Spikerı, «AMANAT» partiiasynyŋ Töraǧasy Erlan Qoşanovtyŋ töraǧalyǧymen ötken jiynda «Qaryzsyz qoǧam», «Äkımder mektebı» jäne «Auyl amanaty» partiialyq jobalarynyŋ nätijelerı men mümkındıkterı talqylandy. Bügınde jüzdegen myŋ el azamaty partiianyŋ bıryŋǧai servistık modelımen qamtylyp otyr.
Prezident azamattardyŋ qaryzǧa belşeden batuyna qatysty mäselege ünemı nazar audaryp keledı. Memleket basşysy Qasym-Jomart Toqaev öz Joldauynda «Qaryzsyz qoǧam» jobasyn erekşe atap ötıp, onyŋ tüpkı maqsaty – halyqtyŋ moinyndaǧy qaryzyn azaitu ǧana emes, azamattardyŋ tabysy tūraqty boluyn qamtamasyz etu ekenın mälımdedı. Osyǧan bailanysty, partiia azamattarǧa qarjylyq qiyndyqtan şyǧuǧa kömektesıp qana qoimai, olardyŋ öz ısın bastauyna jäne jūmyspen qamtyluyna mümkındık beretın keşendı jūmysty jolǧa qoiyp otyr. 
«Eŋ bastysy – adamdardyŋ tek qazırgı mäselesın şeşu emes, ärbır azamat naqty qoldau körıp, aiaqqa tūra alatyn jüie qalyptastyru. «AMANAT» partiiasynyŋ servistık modelı öz tiımdılıgın däleldep, Prezidenttıŋ Ädılettı Qazaqstandy qūru baǧytyn jüzege asyruda naqty qūralǧa ainaldy. Memleket basşysynyŋ barlyq reformasy halyqtyŋ äl-auqatyn arttyruǧa jäne elımızdıŋ damuyna baǧyttalǧan. Osy tūrǧydan alǧanda, partiialyq jobalar är azamattyŋ laiyqty tabys tauyp, sapalyäleumettık qyzmet alyp, erteŋgı künge senımmen qarai aluyna jaǧdai jasau üşın jūmys ısteidı», – dedı partiia Töraǧasy.
Erlan Qoşanov partiialyq jobalar bırtūtas jüie retınde jūmys ısteuge tiıs ekenın atap öttı. Iаǧni, zaŋgerlık kömek, oqytu kursy men jūmys oryndaryn qūru qadamdary özara bailanysyp, bır-bırın tolyqtyryp tūruy qajet. Onyŋ aituynşa, däl osyndai keşendı täsıl qarjylyq qiyndyqtardyŋ saldaryn joiuǧa ǧana emes, sonymen bırge azamattardyŋ «aiaqqa tūryp», öz betınşe laiyqty ömır süre alatyn uaqytqa deiın adamdarǧa süienış boluǧa mümkındık beredı.
Öz kezegınde, jobalyq keŋselerdıŋ basşylary jūmys nätijesın ūsynyp, partiianyŋ servistık modelınıŋ aiasyn keŋeitu boiynşa aldaǧy jospardy aiqyndady. «Qaryzsyz qoǧam»jobasynyŋ atqaruşy direktory Oljas Ordabaev jyl basynan berı 770 myŋnan astam adamnyŋbereşegın retteuge qatysty naqty kömekkörsetılgenın mälımdedı. Elımızdıŋ barlyq öŋırındegı adamdar partiia filialdarynda qaryzdy qaita qūrylymdau, qaryz boiynşa şekteulerdı alyp tastau, sot jäne sottan tys bankrottyqtar boiynşa tegın kömek ala alady. Sondai-aq el azamattary qarjylyq sauattylyq boiynşa oquǧa qatysu mümkındıgıne ie. Basty maqsat – bır rettık qoldau körsetu emes, azamattardyŋ tölem qabıletı tolyq qalpyna kelgenge deiın süiemeldeu.
Jobalyq keŋsenıŋ öŋırlık saiasat jönındegı taldau ortalyǧynyŋ jetekşısı Änuar Kerembaev «Äkımder mektebı» jobasynyŋ aldyn ala nätijelerın ūsyndy. Bügınde sailanǧan 1800 auyl äkımı oqudan ötıp, jyl soŋyna deiın taǧy 500 äkımoquyn aiaqtaidy. Baǧdarlama auyldyŋ ekonomikalyq baǧytyn anyqtaudy, investisiialyq jobalardy äzırleudı, marketingtı, sifrlyq qūraldardy paidalanudy jäne taǧy basqany qamtidy. Osy bılım negızınde äkımder kooperativterdı damyta alady. Ony auyl tūrǧyndarynyŋ äl-auqatyn arttyruǧa arnalǧan «Auyl amanaty» jobasy aiasynda qarjylandyruǧa bolady. Bügınde jalpy qūny 600 mlrd teŋgenı qūraityn 12,7 myŋ investisiialyq joba ırıkteldı. Osy qadam 490 myŋ jeke qosalqy şaruaşylyqty qamtuǧa jäne 111 myŋ jūmys ornyn qūruǧa mümkındık beredı. Būl – aldaǧy üş jylǧa arnalǧan naqty jospar. Sarapşylardyŋ esebıne säikes, «Auyl amanaty» jobasy arqyly bölıngen biudjet qarjysynyŋ är teŋgesı 1,24 teŋge jiyntyq ekonomikalyq tabys äkeluı mümkın. Būl qarajat öndırıstıŋ, salyqtyŋ jäne auyl tūrǧyndary tabysynyŋ ösımı türınde qaitady.
Öz kezegınde, Käsıpkerlık mäselelerı jönındegı jobalyq keŋse jetekşısı Nūrlan Saquov partiianyŋ üilestıru keŋesınıŋ jūmysyna toqtaldy. Bügınde atalǧan keŋes mikro jäne şaǧyn biznespen özara bailanystyŋ jaŋa arnasyna ainaldy. Keŋes käsıpkerlerdıŋ özektı mäselelerın jinauǧa, jüieleuge jäne ony şeşu joldaryn tabuǧa mümkındık beredı. Sondai-aq jasandy intellekt elementterı bar sifrlyq platforma qūru josparlanuda. Sol arqyly käsıpkerler özötınışın joldap, tiıstı keŋes alyp, olardyŋşeşımın qadaǧalai alady. Osy derekter negızınde ıskerlık ahual indeksı qalyptastyrylady. Būl qadam problemalardy jedel anyqtauǧa jäne ony şeşu boiynşa tiıstı ūsynystar engızuge mümkındık beredı.
Sondai-aq, partiia Töraǧasy «Qaryzsyz qoǧam»jobasynyŋ call-ortalyǧynyŋ jūmysymen tanysty. Mūnda kün saiyn elımızdıŋ tükpır-tükpırınde nesie mäselesıne, sot dauyna nemese qarjylyq qiyndyqtarǧa tap bolǧan azamattar 4 myŋǧa juyq qoŋyrau şalady. Call-ortalyqta 50-ge juyq maman jūmys ısteidı. Olardyŋ qatarynda zaŋgerler, mediatorlar jäne qarjy keŋesşılerı bar. Olar adamdarǧa qaryzdan qūtyluǧa, qūjattardy daiyndauǧa jäne mäselenıŋ zaŋdy şeşımın tabuǧa kömektesedı. Öŋırlerde 180 üilestıruşıden tūratyn jelı azamattarǧa jergılıktı deŋgeide qūqyqtyq kömek körsetedı.
Aita keteiık, «Qaryzsyz qoǧam» jobasyna «AMANAT» partiiasynyŋ üilestıruımen 11 memlekettık organ jäne 12 kommersiialyq bank qatysuda. Azamattarǧa yŋǧaily boluy üşın qogamfin.kz onlain-platformasy äzırlendı. Sait arqyly zaŋger keŋesıne jazyluǧa, paidaly materialdar men beine sabaqtardy jüktep aluǧa bolady.
