Respublika künı qarsaŋynda Şet audanynyŋ Säken Seifullin atyndaǧy kentınde tūrǧyndar üşın quanyşty oqiǧa boldy, mūnda «Keleşek mektebı» ūlttyq jobasy aiasynda 300 oryndyq jaŋa mektep paidalanuǧa berıldı, dep habarlaidy.
Jaŋa bılım ordasy oquşylardyŋ jan-jaqty damuy men sapaly bılım aluyna barlyq jaǧdai jasalǧan zamanaui bılım keŋıstıgıne ainaldy. Keŋ ärı jaryq kabinetter ergonomikalyq jihazben jabdyqtalǧan. Mūnda ashana, kıtaphana, akt jäne sport zaldary, sondai-aq STEM-zerthana, jaratylystanu-matematikalyq baǧyttaǧy synyptar, robototehnika men grafikalyq dizain kabinetterı jūmys ısteidı. Oquşylardyŋ şyǧarmaşylyq qabıletın damytuǧa arnalǧan üiırmelerge arnaiy bölmeler de bar.
Bılım mekemesıne jasandy intellekt tehnologiiasymen jabdyqtalǧan 22 interaktivtı taqta ornatylǧan. Sonymen qatar, mekteptıŋ qauıpsızdık jüiesı zamanaui talaptarǧa sai: beinebaqylau kameralary jäne polisiiamen tıkelei bailanys ornatuǧa arnalǧan dabyl tüimelerı bar.
Saltanatty aşylu räsımınde oblys äkımı Ermaǧanbet Bölekpaev qūttyqtau söz söilep, jaŋa mekteptıŋ aşyluy öŋırdıŋ bılım beru salasyndaǧy maŋyzdy qadam ekenın atap öttı:
Qymbatty balalar! Būl mektep sızderdıŋ armandaryŋyzdyŋ bastauyna ainalsyn. Respublika künımen jäne jaŋa mekteptıŋ aşyluymen şyn jürekten qūttyqtaimyn! – dedı ol.
Mekteptıŋ taǧy bır erekşelıgı - bastauyş jäne joǧary synyptarǧa arnalǧan bölek bloktardyŋ boluy. Erekşe bılım berudı qajet etetın balalar üşın de jaǧdai jasalǧan: bırınşı jäne ekınşı qabatty bailanystyratyn lift ornatylǧan.
Säken Seifullin atyndaǧy tırek mektebınıŋ (resurstyq ortalyqtyŋ) direktory Alma Äbeuova jaŋa oqu ordasynyŋ aşyluy bılım sapasyn arttyruǧa zor mümkındık beretının aitty:
Endı mektebımız barlyq zamanaui bılım standarttaryna tolyq säikes keledı. Pedagogikalyq qūram tolyq jasaqtalǧan, – dedı ol.
Aita keteiık, Şet audanynyŋ Aqsu-Aiuly auylynda da «Keleşek mektebı» jobasy boiynşa jaŋa mekteptıŋ qūrylysy jürıp jatyr. Soŋǧy ekı jylda Qaraǧandy oblysynda jetı jaŋa mektep salynǧan, olardyŋ törteuı däl osy ūlttyq baǧdarlama aiasynda ıske asyrylǧan.
