Premer-ministr Oljas Bektenov Senat otyrysynda deputat Sūltanbek Mäkejanovtyŋ biudjet şyǧystaryn oŋtailandyru turaly sūraǧyna jauap berdı, dep habarlaidy «Adyrna» tılşısı.
Oljas Bektenov aldaǧy üş jyldyq kezeŋge arnalǧan biudjettı qalyptastyru şeŋberınde bazalyq şyǧystar 15%-dan 12%-ǧa deiın qysqartylǧanyn mälımdedı. Būl rette äleumettık salada biudjetke eleulı jükteme saqtalyp otyr. Premer-ministrdıŋ aituynşa, äleumettık järdemaqylar men türlı qoldau şaralary jalpy memlekettık biudjettıŋ 60%-yn qūraidy.
«Respublikalyq biudjette ūzaq uaqyt boiy būl şyǧyndar 40%-dan astam bolyp keldı. Üş jyldyq biudjettı qalyptastyru kezınde bız atalǧan körsetkıştı 38%-ǧa deiın tömendete aldyq, älı de bolsa tömendetuge bolady. Bız būl jūmysty jalǧastyra beremız. Türlı obektivtı faktorlarǧa bailanysty jūmys ısteuge jäne özderın qamtamasyz etuge mümkındıgı joq azamattar ǧana memleketten äleumettık qoldau alatyn bolady. Jūmys ıstei alatyn adam jūmys ısteuı qajet. Memleket olardy qamqorlyǧynda ūstamauy kerek jäne ūstamaidy da»,- dedı ol.
