Şyǧys Qazaqstan oblysynyŋ äkımı Nūrymbet Saqtaǧanov Öskemen qalasyndaǧy ekologiialyq ahualdy jaqsartu baǧytynda atqarylyp jatqan jūmystar turaly mälımdedı, dep habarlaidy "Adyrna" ūlttyq portaly Tengrinews.kz-ke sıltep.
Äkımnıŋ aituynşa, Öskemendegı atmosferalyq auanyŋ negızgı lastauşylaryna avtokölık, önerkäsıp oryndary jatady.
Qalany ekologiialyq tūrǧyda sauyqtyru üşın üş jyldyq jospar qabyldanyp, ony jüzege asyruǧa 10,5 mlrd teŋge qarastyrylǧan. Sonymen qatar, jergılıktı bilık ırı önerkäsıp käsıporyndarymen arnaiy ekologiialyq memorandumǧa qol qoiǧan.
«Ekologiia departamentınıŋ mamandary kez kelgen uaqytta kez kelgen käsıporynǧa kırıp, zamer jürgıze alady. Qajet bolǧan jaǧdaida öndırıs quaty uaqytşa tömendetıledı. Mysaly, jaqynda Kazsink metallurgiia öndırısın 20%-ǧa, sink öndırısın 50%-ǧa qysqartty», – dedı oblys äkımı.
Öskemende şyǧaryndylardyŋ naqty közın anyqtau üşın 25 stasionarlyq ekobeket ornatylyp jatyr.
32 myŋnan astam jeke üi peşpen jylynatyndyqtan, bilık olardy ortalyq jylu jüiesıne qosu jobasyn da qolǧa alǧan.
Tūrǧyndar Öskemendegı las aua, özen men topyraq jaǧdaiyna qatysty jyldar boiy şaǧymdanyp keledı. Alaida qalanyŋ negızgı öndırıs oryndary – qala qalyptastyrǧan käsıporyndar bolǧandyqtan, olardy köşıru mümkın emes.
