Talǧar qalasynyŋ tūrǧyny Elmira Kulakovanyŋ äleumettık jelıde taraǧan videolary qoǧam nazaryn özıne audardy. Jazbalarda äiel qazaq ūltyna qatysty syn pıkırler aityp, keibır tūstarda qorlaityn sözder qoldanǧan. Būl videolar jelı qoldanuşylary arasynda rezonans tudyryp, qūqyqtyq baǧa beru turaly talaptar köbeidı.
Bır videoda Elmira Kulakova kei qazaqtardyŋ orys tılınde qoiylǧan sūraqtardy ädeiı tüsınbei qalatyn siiaqty körınetının aityp, öz narazylyǧyn bıldıredı.
«Osy qazaqtarǧa ne bolǧan? Nege sonşa jaman boldyŋdar? Baiqaitynym, kei qazaqtarǧa orysşa sūraq qoiasyŋ, olar ädeiı jauap bermei qoiady. Olar "tüsınbeimın" dep oinaidy nemese aqymaq sekıldı keiıp tanytady. Nege osyndai boldyŋdar, nege özderıŋdı būlai ūstaisyŋdar? Nege sonşa naqūrys boldyŋdar?» – dedı äiel videoda.
Basqa videoda ol belgısız er adammen söilesıp, Qazaqstandaǧy orystarǧa qysym bar ekenın alǧa tartady. Er adam mūndai qysym joq ekenın aitqan kezde Kulakova:
«Balalarym mektep avtobustarynda tynyş jüre almaidy. Būl naǧyz russofobiia emei, nemene?» — dep jauap beredı.
Alaida ol būl oqiǧaǧa naqty kımnıŋ qatysy baryn bılmeitının aitady:
«Osy jaǧdaidy ūiymdastyrǧan adamdy tabuǧa tyrysyp jatyrmyn. Osyny oilap tapqan aqymaqty ızdep jatyrmyn», — deidı ol.
Elmira Kulakovanyŋ keiıngı videolarynda tıl mäselesı keŋırek qozǧalady. Ol qazaq tılınıŋ qazırgı deŋgeiın jetkılıksız dep sanaitynyn jäne orys tılıne ekınşı memlekettık tıl märtebesın qaitaru ideiasyn qoldaitynyn bıldıredı:
«Qazaq tılı älı de tolyq jetılmegen. Sözdık qoryn baiytu, tehnikalyq jäne medisinalyq tıl qalyptastyru qajet», – deidı ol.
Onyŋ aituynşa, tolyqqandy qazaq tılınde bılım alu mümkındıkterı şekteulı.
Sondai-aq, Kulakova elde kei ūiymdar tarapynan orys tılınen bas tartu ideiasy nasihattaluda dep sanaidy.
Jelı qoldanuşylarynyŋ bır bölıgı onyŋ sözderın ūlttyq arazdyq tudyruǧa baǧyttalǧan dep baǧalap, qūqyq qorǧau organdaryn şara qabyldauǧa şaqyrdy. Kei qoldanuşylar ony tuǧan elıne opasyzdyq jasady dep synǧa aldy.
Basqalary būl mälımdemeler tūlǧanyŋ jeke emosiiasyna jäne jeke täjıribesıne negızdelgen boluy mümkın ekenın aityp, videolarda jüielı diskriminasiia däleldenbegenın atap öttı.
Almaty oblysy PD jaǧdaiǧa bailanysty pıkır bıldırdı.
«Bas prokuraturadan resmi jauap kütıp otyrmyz. Jauap kelgen jaǧdaida ıs qozǧap, qajet räsımder jürgızıledı»,— dep habarlady.
Qosymşa aqparat keiın berıletını aityldy.
