Bügın «Altai Alpısı» demalys bazasynda Şyǧys Qazaqstan oblysyndaǧy 2025-2026 jylǧy qysqy turistık mausymnyŋ resmi aşyluy öttı. Oǧan jinalǧan 1200 adam qystyŋ bastaluyn merekelık köŋıl-küimen qarsy aldy.
Prezident Qasym-Jomart Toqaev öz Joldauynda memlekettık organdar üşın turizm men infraqūrylymdy damytu ärkez basym baǧyt boluy tiıstıgın atap ötken edı. Al Şyǧys Qazaqstan jyl saiyn qysqy demalys üşın eŋ tartymdy aimaqtardyŋ qatarynda. 
Bügıngı qolaily aua raiy da turistık mausymnyŋ saltanatty aşyluyn qyzyqty ötkızuge mümkındık berdı. Qolönerşıler järmeŋkesın aralap, sadaqşylardyŋ önerın körgen qonaqtar ūlttyq taǧamdardan da däm tatty. Şaranyŋ eŋ aişyqty sätterınıŋ bırı – şaŋǧyşylardyŋ Memlekettık tumen jappai syrǧanauy boldy.
Aimaq basşysy Nūrymbet Saqtaǧanov qūttyqtau sözınde oblystaǧy qysqy turizmdı ary qarai damytudyŋ jäne turistık infraqūrylymdy küşeitudıŋ maŋyzdylyǧyn atap öttı.
Sonymen qatar qysqy turizmdı damytuǧa belsendı üles qosyp jürgen käsıpkerler men sportşylar, onyŋ ışınde qūsbegıler, Alǧys hattarmen marapattaldy.
Aita keteiık, «Altai Alpısı» – älemdık arenada közge tüsken sportşylardy daiarlaityn jer. Mūnda Olimpiada jüldegerı Iýliia Galyşeva, halyqaralyq jarystardyŋ chempiondary Dmitrii Reiherd pen Pavel Kolmakov syndy sportşylar jattyǧady.
Bügınde öŋır Qazaqstannyŋ är tükpırınen bölek, Qytaidan jäne Reseiden keletın turisterdı qabyldaidy. Olar Sıbe kölderınıŋ aidynynda konki teuıp, Ridder men Altaida şaŋǧymen syrǧanap, qysqy sport türlerımen ainalysa alady.
