2025 jyldan bastap Şyǧys Qazaqstan oblysyndaǧy köpbalaly analar avtobuspen tegın jüre alady. Būl turaly ŞQO jolauşy kölıgı jäne avtomobil joldary basqarmasy basşysy orynbasarynyŋ mındetın atqaruşy Quanyş Akramov aitty, dep habarlaidy “Adyrna” ūlttyq portaly.
Aqparatqa säikes, qazır öŋır boiynşa ondai mümkındıkke az qamtylǧan otbasylardan şyqqan balalar ie. Ol üşın 178 mln teŋgeden asa qarjy bölınıp, jeŋıldıkpen 5 312 bala qamtylǧan.
«Endı kelesı jyldan bastap «Altyn alqa», «Kümıs alqa», «Batyr ana», I jäne II därejelı «Ana daŋqy» ordenderımen marapattalǧan köpbalaly analar üşın qalaaralyq jäne audanaralyq qoǧamdyq kölıkter tegın bolady. Oǧan qajettı qarajat jergılıktı biudjetten bölınedı», – dedı ŞQO jolauşy kölıgı jäne avtomobil joldary basqarmasy basşysy orynbasarynyŋ mındetın atqaruşy Quanyş Akramov.
Sondai-aq ol «Öskemen-1» temırjol vokzalynyŋ kürdelı jöndeuden ötetının de atap öttı.
«Qazır jobalyq-smetalyq qūjattama daiyndalyp jatyr. Sonyŋ aiasynda ǧimarat tolyqtai jöndeledı. Sondai-aq modernizasiialau jūmystary da josparlanyp otyr. Ondaǧy maqsat – vokzaldy mümkındıgı şekteulı jandarǧa qolaily etu», – deidı äkımdık ökılı.
Ūqsas jaŋalyqtar
