Qaraǧandy oblysynda qolaisyz aua raiyna bailanysty respublikalyq maŋyzy bar Qaraǧandy–Astana avtojoly uaqytşa jabyldy, dep habarlaidy "Adyrna" ūlttyq portaly.
Būl turaly 13 jeltoqsanǧa qaraǧan tünı oblystyq polisiia departamentınıŋ baspasöz qyzmetı habarlady.
Vedomstvo mälımetınşe, öŋırde temperaturanyŋ kürt auytquy men aua raiynyŋ naşarlauyna bailanysty joldarda köktaiǧaq paida bolǧan. Kündız aua jylynǧanymen, keşkı uaqytta jauyn-şaşynnyŋ tüsuı men jeldıŋ küşeiuı saldarynan temperatura qaita tömendep, jol betı mūzdaǧan.
Jol qozǧalysy qauıpsızdıgın qamtamasyz etu maqsatynda barlyq baǧytta baqylau küşeitılıp, patruldık polisiia batalonynyŋ qosymşa ekipajdary jūmyldyrylǧan.
«Jol qauıpsızdıgın qamtamasyz etu üşın baǧyttarǧa 30 polisiia nariady şyǧaryldy. Olar tüsındıru jūmystaryn jürgızıp, jürgızuşılerge saqtyq şaralaryn qataŋ saqtau qajettıgın eskertude», – dedı Qaraǧandy oblysy PD patruldık polisiia batalonynyŋ komandirı Medet Nūrmūhanov.
Sondai-aq tüngı saǧat 02:00-den bastap patruldık polisiia qyzmetkerlerı Temırtaudan Aqmola oblysynyŋ şekarasyna deiın şamamen 300 kölıktı alyp jürıp ötken.
Polisiia qazaqstandyqtardy aua raiy tūraqtalǧanǧa deiın alys jolǧa şyqpauǧa jäne qauıpsızdık talaptaryn qataŋ saqtauǧa şaqyrdy.
