Taşkent qalasynda Ortalyq Aziia memleketterı men Koreia Respublikasynyŋ parlamentterı spikerlerınıŋ üşınşı kezdesuı öttı. Is-şaraǧa Mäjılıs töraǧasy Erlan Qoşanov bastaǧan Qazaqstan Parlamentınıŋ delegasiiasy qatysty.
«Adami qadır-qasiet, äleumettık ädıldık pen qorşaǧan ortany qorǧau jolyndaǧy yntymaqtastyq» taqyrybynda ötken forumda taraptar parlamentaralyq dialogty nyǧaitu, tūraqty damu, sifrlandyru, ekologiia jäne äleumettık saiasat mäselelerın talqylady.
Plenarlyq sessiiada söz söilegen Erlan Qoşanov būl qūndylyqtardyŋ Qazaqstanda jüzege asyrylyp jatqan reformalarmen ündes ekenın atap öttı. Ol jas ūrpaqqa investisiia salu, bılım men ǧylym salasyndaǧy yntymaqtastyqty keŋeitu, sondai-aq jasandy intellekt pen sifrlyq tehnologiialar boiynşa bırlesken jobalardy damytu maŋyzdy ekenın aitty.
Sonymen qatar forumda ekologiialyq kün tärtıbı, Aral teŋızınıŋ mäselesı, su resurstarynyŋ tapşylyǧy jäne «jasyl» energetikany damytu taqyryptary köterıldı. Mäjılıs töraǧasy koreilık ärıptestermen ekologiia salasyndaǧy ǧylymi yntymaqtastyqty arttyruǧa şaqyrdy.
Kezdesu qorytyndysy boiynşa Ortalyq Aziia elderı men Koreia Respublikasynyŋ parlamentterı spikerlerı Bırlesken deklarasiiaǧa qol qoidy. Kelesı, törtınşı kezdesu 2026 jyly Qazaqstanda ötedı dep josparlanyp otyr.
