Almaty – Bangkok baǧytyndaǧy ūşaqta jolauşylar töbeles şyǧarǧan. Oqiǧanyŋ beinejazbasy äleumettık jelıde tarady, dep habarlaidy «Adyrna» tılşısı.
Kadrlardan er adamdardyŋ bır-bırıne soqqy jasap jatqanyn, al ainalasyndaǧylardyŋ janjaldy toqtatuǧa tyrysqanyn köruge bolady. Äleumettık jelılerdegı mälımetke säikes, oqiǧa Air Astana äue kompaniiasynyŋ reisınde bolǧan.
Būl oqiǧaǧa qatysty Kölık polisiiasy departamentınıŋ baspasöz qyzmetı tüsınıkteme berdı.
«Almaty qalasynyŋ äuejaiynda Almaty – Bangkok baǧyty boiynşa ūşatyn äue kemesınıŋ bortynan jelılık polisiia qyzmetkerlerı tört şetel azamatyn tüsırdı. Olardyŋ ekeuı mas küide bolǧan. Aralarynda janjal şyǧyp, töbeleske ūlasqan», – dep habarlady vedomstvo.
Polisiia mälımetınşe, äue kemesınıŋ bortynda būzaqylyq äreket jasaǧany üşın qylmystyq ıs qozǧalǧan. Qūqyq būzuşylardyŋ ekeuı uaqytşa ūstau izoliatoryna qamalǧan.
«QR Qylmystyq-prosestık kodeksınıŋ 201-babyna säikes özge aqparat jariialanbaidy», – dep naqtylady polisiia.
