Jalpy Pavlodarda qylmys deŋgeiı aitarlyqtai azaiyp keledı. Būl turaly qala äkımdıgınde prokuratura jäne qūqyq qorǧau organdary ökılderınıŋ qatysuymen ötken vedomstvoaralyq komissiia otyrysynda aityldy.
Jiynda ötken jyldyŋ qorytyndysy boiynşa Pavlodar qalalyq polisiia basqarmasynyŋbasşysy esep berdı. Onyŋ mälımetınşe, 11 aidyŋ ışınde qylmystyq qūqyqbūzuşylyqtar bırqatar körsetkışter boiynşa azaiǧan. Atap aitqanda, jalpy qylmystar sany 4,6%-ǧa, al asa auyr qylmystar 71,7%-ǧa qysqarǧan.
- Sonymen qatar, densaulyqqa auyr ziian keltıru faktılerı – 10,2 paiyzǧa, qaraqşylyq – 33,3paiyzǧa, tonau – 38,3 paiyzǧa, ūrlyq – 18,2paiyzǧa tömendedı. Onyŋ ışınde, päter ūrlyǧy – 17,1 paiyzǧa, ūialy telefon ūrlyǧy – 31 paiyzǧa, qalta ūrlyǧy – 64,7 paiyzǧa, al kämeletke tolmaǧandardyŋ jynystyq qol sūǧylmauşylyǧyna qarsy qylmystar 40 paiyzǧaazaidy, - dedı Pavlodar qalalyq polisiia basqarmasynyŋ bastyǧy Mälık Oŋǧarbaev.
Jiyn barysynda qylmystardyŋ basym bölıgı mas küide jasalatyny da aityldy. Osyǧan bailanysty spirttık ışımdıkterdı zaŋsyz satu derekterın, äsırese kämeletke tolmaǧandarǧa satudy anyqtau baǧytynda jüielı jūmystar jürgızılıp keledı.
Öz kezegınde Pavlodar qalasynyŋ prokurory Erlan Salhanov qala aumaǧyndaǧy iesız ǧimarattar men päterlerge tolyq taldau jürgızudı ūsyndy. Mūndai tügendeu qūqyq qorǧau organdaryna qoǧamdyq tärtıptı nysanaly türde baqylauǧa mümkındık beredı. Būl jūmysqa qala äkımdıgınıŋ qyzmetkerlerı men uchaskelık polisiia inspektorlary tartylatyn bolady.
Qala äkımdıgınde atap ötkendei, 2024–2028 jyldarǧa arnalǧan qoǧamdyq qauıpsızdıktı qamtamasyz etu tūjyrymdamasy aiasynda biyl 3 jyldyq «Qauıpsız qala» jobasy ıske qosyldy. Joba Pavlodar oblysy aumaǧynda şamamen 5 000 beinebaqylau kamerasyn jäne «Mergen» apparattyq-baǧdarlamalyq keşenderın ornatudy közdeidı.
Kameralardy ornatu jol qauıpsızdıgın jäne qoǧamdyq tärtıptı qamtamasyz etuge baǧyttalǧan. Joba terroristık tūrǧydan osal nysandardy, sondai-aq adamdar köp jinalatyn oryndardy qamtidy. Būl özge de ırılı-ūsaqty qylmystardyŋ aldyn aluǧa kömektesedı.
Pavlodar qalasynyŋ äkımı Hasar Habylbekov 2026 jylǧa arnalǧan qūqyqbūzuşylyqtardyŋ aldyn alu josparyn bekıtudı tapsyrdy. Atap aitqanda, qala tūrǧyndary arasynda qylmys jasaudyŋ saldary turaly tüsındıru jūmystaryn küşeitu közdelıp otyr.
Aita ketu kerek, aldaǧy merekelerge bailanysty Pavlodar poliseilerı küşeitılgen qyzmet rejimıne köştı. Osy maqsatta jaiau patrulder men avtopatrulder sany arttyryldy.
