Aqordanyŋ baspasöz qyzmetı bergen aqparatqa sai, resmi sapar aiasynda Tokio qalasynyŋ gubernatory Iýriko Koike Qazaqstan Respublikasynyŋ Prezidentı Qasym-Jomart Toqaevty qazaq tılınde "Qoş keldıŋız!" dep jyly şyrai tanyta qarsy aldy.
Kezdesu barysynda taraptar Qazaqstan men Japoniia astanalary arasyndaǧy yntymaqtastyqty damytu perspektivalaryn, atap aitqanda sifrlandyru, Smart city tehnologiialaryn engızu, jasandy intellektını qala basqaru jüiesıne paidalanu jäne ornyqty damu baǧytyndaǧy özara ıs-qimyldy talqylady.
Sonymen qatar megapolis tūrǧyndary men qonaqtary üşın qauıpsız, ekologiialyq taza ärı inkliuzivtı qalalyq orta qalyptastyru mäselelerıne nazar audaryldy.
Kezdesu aiasynda Astana qalasynyŋ äkımı Jeŋıs Qasymbek pen Tokio gubernatory Iýriko Koike Qazaqstan men Japoniia astanalary arasyndaǧy özara tüsınıstık turaly memorandumǧa qol qoidy. Qūjat qalalardy basqaruda innovasiialyq şeşımderdı engızu jäne täjıribe almasudy közdeidı.
