Astanada QazTAG aqparat agenttıgınıŋ bas redaktory Ämır Qasenov ūstaldy, dep habarlaidy "Adyrna" ūlttyq portaly.
Būl turaly agenttıktıŋ özı mälımdedı.
Agenttıktıŋ bas direktory Äset Mataev Telegram-arnasynda Qasenovtıŋ saǧat 19:00-de Esıl audandyq polisiia bölımıne şaqyrylǧannan keiın ūstalǧanyn jazyp, ärekettı qūqyq qorǧau organdary men Freedom Finance ökılderınıŋ zaŋsyz yqpaly dep atady. Ol Qazaqstanda ädıldık bolsa, barlyq aiyptar alynyp, Qasenov bostandyqqa şyǧuy tiıs ekenın atap öttı.
Advokat Rena Kerimovanyŋ sözınşe, Qasenovke taǧylǧan aiyp Qylmystyq kodekstıŋ 274-babynyŋ 3-bölıgı boiynşa (ortaşa auyrlyqtaǧy qylmys) jäne būl bap boiynşa bes jylǧa deiın bas bostandyǧynan aiyru jazasy qarastyrylǧan. Advokat onyŋ ūstaluyn şamadan tys qataŋ şara dep baǧalap, būl ärekettıŋ qūqyq qorǧau organdarynyŋ psihologiialyq qysym körsetu jäne zaŋsyz tergeu ädısterın qoldanǧanynyŋ körınısı dep sanaidy.
Eske sala keteiık, ötken aptada QazTAG basşylary Astanada Freedom Finance kompaniiasyna qatysty baspasöz mäslihatyn ötkızgen bolatyn. Sol jiynda salymşylar kompaniiaǧa qatysty şaǧymdaryn jetkızgen.
