Almaty tūrǧyny avtobustan qūlap, omyrtqasyn syndyryp aldy, dep habarlaidy «Adyrna» tılşısı.
Jäbırlenuşınıŋ qūrbysynyŋ aituynşa, oqiǧa 21 jeltoqsanda №104 baǧyttaǧy avtobusta bolǧan. Jürgızuşı jolauşynyŋ qoǧamdyq kölıkten tolyq şyǧyp ülgergenıne köz jetkızbei, jürıp ketken. Sonyŋ saldarynan äiel qūlap, jaraqat alǧan. Ol jürgızuşınıŋ keşırım sūramaǧanyn atap öttı. Būl rette polisiia da aryz qabyldamaǧany aityldy.
Jäbırlenuşınıŋ öz sözınşe, jedel järdem keptelıske bailanysty der kezınde jetpegen. Al avtobus jürgızuşısı ony belgısız bır jerge aparyp, ol jerde äieldı avtopark qyzmetkerı qarsy alǧan. Keiın jäbırlenuşını basqa kölıkke auystyryp, Almaty qalalyq №7 auruhanasyna jetkızgen.
Atalǧan jol-kölık oqiǧasy boiynşa Almaty qalalyq polisiia departamentı tüsınıkteme berdı.
«Qazırgı uaqytta ıs boiynşa tekseru jūmystary atqarylyp, oqiǧanyŋ barlyq män-jaiy, onyŋ ışınde qoǧamdyq kölık jürgızuşısı men jolauşynyŋ äreketterı anyqtalyp jatyr»,-delıngen habarlamada.
