Maŋǧystau oblysynyŋ jastaryna pedagog mamandyǧyn aluǧa mümkındık beretın pilottyq joba ıske qosyldy, dep habarlaidy "Adyrna" ūlttyq portaly.
Maŋǧystau oblysy äkımınıŋ bırınşı orynbasary Ashat Oralov öŋırden şyqqan, bügınde Şymkent qalasyndaǧy Özbekälı Jänıbekov atyndaǧy Oŋtüstık Qazaqstan pedagogikalyq universitetınde bılım alyp jatqan studenttermen kezdestı.
Oblys äkımdıgınıŋ baspasöz qyzmetınıŋ mälımetınşe, kezdesu Maŋǧystau oblysy tülekterın sapaly joǧary pedagogikalyq bılımmen qamtamasyz etuge, öŋırdegı mektepterdegı kadr tapşylyǧyn azaituǧa jäne bılım beru jüiesınıŋ kadrlyq äleuetın küşeituge baǧyttalǧan pilottyq joba aiasynda öttı.
Kezdesu barysynda studentterdıŋ oqu üderısı, jataqhanamen qamtyluy jäne beiımdelu mäselelerı talqylandy. Sondai-aq qatysuşylar jobany odan ärı jetıldıru boiynşa öz ūsynystaryn ortaǧa saldy.
Atalǧan joba aiasynda biylǧy tamyz aiynan bastap universitet Maŋǧystau oblysynan talapkerlerdı qabyldady. Studentterge tegın oqu, jataqhanamen qamtamasyz etu, sondai-aq tıldık jäne basqa da üiırmelerge qatysu mümkındıgı qarastyrylǧan.
Qazırgı taŋda jobaǧa 19 student qatysyp otyr. Olar alǧaşqy semestrdı sättı aiaqtaǧan. Baǧdarlama soŋynda tülekter memlekettık ülgıdegı diplomdarmen qatar qosymşa sertifikattarǧa ie bolady.
Ashat Oralovtyŋ aituynşa, Maŋǧystau oblysy üşın bäsekege qabılettı mamandar daiarlau – strategiialyq maŋyzdy mındet.
"Bız studentterdıŋ käsıbi jäne tūlǧalyq damuyna jaǧdai jasap, oqu barysynda jan-jaqty qoldau körsetemız", – dedı ol.
Kezdesuge qatysuşylar jobanyŋ bolaşaq pedagog kadrlardy daiarlaudaǧy maŋyzyn atap ötıp, ony ärı qarai damytuǧa daiyn ekenderın bıldırdı.
